విజయవాడ బస్సు ప్రమాదంపై దగ్గుబాటి పురంధేశ్వరి దిగ్భ్రాంతి

దిశ, డైనమిక్ బ్యూరో : విజయవాడ ఆర్టీసీ బస్టాండ్‌లో బస్సు ప్రమాదంపై బీజేపీ రాష్ట్ర అధ్యక్షురాలు దగ్గుబాటి పురంధేశ్వరి తీవ్ర దిగ్బ్రాంతి వ్యక్తం చేశారు. రాష్ట్రంలోనే అతిపెద్ద బస్టాండ్ విజయవాడ అని నిత్యం వేలాది మంది ప్రయాణికులతో ఇది కిక్కిరిసిపోతుందని స్పష్టం చేశారు. అలాంటి బస్టాండ్‌లో ఈ తరహా సంఘటన చోటు చేసుకోవడం ముగ్గురు మృతి చెందడంపై పురంధేశ్వరి తీవ్ర దిగ్భ్రాంతి వ్యక్తం చేశారు. ఈ ప్రమాదానికి గల బాద్యులపై చర్యలు తీసుకోవాలని డిమాండ్ చేశారు. ఈ సందర్భంగా మృతుల కుటుంబాలకు దగ్గుబాటి పురంధేశ్వరి ప్రగాఢ సానుభూతి తెలియజేశారు. మృతుల కుటుంబాలను ప్రభుత్వం వెంటనే ఆదుకోవాలని.. తక్షణమే ఆర్థిక సహకారాన్ని అందించాలని డిమాండ్ చేశారు. భవిష్యత్‌లో ఇలాంటి ఘటనలు చోటు చేసుకోకుండా ఉండేలా చర్యలు చేపట్టాలని దగ్గుబాటి పురంధేశ్వరి కోరారు.