చెవిరెడ్డి భాస్కరెడ్డిపై పులివర్తి నాని సంచలన వ్యాఖ్యలు

దిశ, వెబ్ డెస్క్:చంద్రగిరి ఎమ్మెల్యే, ఒంగోలు టీడీపీ అభ్యర్థి, చెవిరెడ్డి భాస్కర్‌రెడ్డిపై టీడీపీ అభ్యర్థి పులివర్తి నాని సంచలన వ్యాఖ్యలు చేశారు.చెవిరెడ్డి భాస్కర్ రెడ్డి చంద్రగిరి నియోజకవర్గంలో రౌడీయిజం చేస్తున్నారని మండిపడ్డారు. చెవిరెడ్డి కనుసనల్లో అధికారులు పని చేస్తున్నారని వ్యాఖ్యానించారు. చెవిరెడ్డి భాస్కర్ రెడ్డికి ఎన్నికల కోడ్ వర్తించదా అని ప్రశ్నించారు. వైఎస్సార్ కాంగ్రెస్ పార్టీ తీరు నచ్చక చాలా మంది ఆ పార్టీని వీడుతున్నారని చెప్పారు. అయితే వారిని కొట్టమని చెవిరెడ్డి చెప్పడం దారుణమని మండిపడ్డారు. చంద్రగిరి అభివృద్ధి కోసం తెలుగుదేశం పార్టీలో చేరేవారిని ఆహ్వానిస్తున్నామని పులివర్తి నాని పేర్కొన్నారు.

కాగా మే 13న రాష్ట్రంలో సాధారణ ఎన్నికలు జరగనున్నాయి. దీంతో ఎన్నికల కోడ్ అమల్లో ఉంది. అయితే చంద్రగిరిలో కొందరు అధికారులు యదేచ్ఛగా ఎన్నికల కోడ్‌ను ఉల్లంఘిస్తున్నారు. ఎమ్మెల్యే చెవిరెడ్డి భాస్కర్ రెడ్డికి అనుకూలంగా పని చేస్తున్నారు. దీంతో అధికారులపై టీడీపీ అభ్యర్థి పులివర్తి నాని ఆగ్రహం వ్యక్తం చేశారు. ఎన్నికల సంఘం అధికారులకు ఫిర్యాదు చేస్తామని హెచ్చరించారు. చంద్రగిరిలో రెచ్చిపోతున్న వైసీపీ నాయకులకు త్వరలోనే రిటర్న్ గిఫ్ట్ ఇస్తామని పులివర్తి నాని హెచ్చరించారు.