BREAKING: ప్రధాన ప్రతిపక్షంగా అసెంబ్లీలోకి అడుగు పెడుతున్నాం: ఎమ్మెల్యే పవన్ కల్యాణ్ కీలక వ్యాఖ్యలు
దిశ, వెబ్‌డెస్క్: ప్రధాన పత్రిపక్షంగా జనసేన అసెంబ్లీలోకి అడుగుపెట్టబోతోందని పిఠాపురం ఎమ్మెల్యే, జనసేన అధ్యక్షుడు పవన్ కల్యాణ్ కీలక వ్యాఖ్యలు చేశారు. బుధవారం ఆయన తాడేపల్లి జనసేన ప్రధాన కార్యాలయంలో గెలిచిన ఎమ్మెల్యేలతో సమావేశం అయ్యారు. ఈ సందర్భంగా ఆయన మాట్లాడుతూ.. అధికారంలోనూ భాగస్వామ్యం తీసుకుంటూనే.. విపక్షంగా కూడా కొనసాగుతామని క్లారిటీ ఇచ్చారు. ముందుగా అది ఎలా సాధ్యమో ఆలోచన చేస్తామని అన్నారు. కేంద్రంలోనూ కీలకంగా వ్యవహరించి రాష్ట్రానికి కావాల్సినవి సాధిస్తామని పేర్కొన్నారు. ఈ ఎన్నికల్లో గోరంత దీపమైన జనసేన కొండంత వెలుగునిచ్చిందంటూ సంచలన వ్యాఖ్యలు చేశారు. జనసేన ఆఫీసు ప్రజలకు అందుబాటులో ఉంటూ 24 గంటలు పని చేయాలన్నదే తన కోరిక అని అన్నారు. అందుకు అనుగుణంగా కార్యాలయాన్ని తీర్చిదిద్దుతామని తెలిపారు. విద్య, వైద్యం, ఉపాధి, సాగునీరు, తాగునీరు, లా అండ్ ఆర్డర్‌పైనే తమ దృష్టి ఉంటుందని అన్నారు. ఆ ఆరు అంశాలపైనే ప్రజలకు మొదట భరోసా కల్పించాలని తెలిపారు. నాకు మించిన మెజారిటీ జనసేన అభ్యర్థులకు రావడం చాలా సంతోషంగా ఉందన్నారు. అదేవిధంగా ఎన్నికల్లో గెలిచిన ఎంపీ, ఎమ్మెల్యేలకు పవన్ కల్యాణ్ అభినందనలు తెలిపారు.
