AP News:జనసేనకు మరో భారీ గుడ్ న్యూస్
దిశ,వెబ్‌డెస్క్:ఏపీ సార్వత్రిక ఎన్నికల్లో జనసేన పార్టీ రికార్డు సృష్టించింది. పోటీ చేసిన అన్ని స్థానాల్లో విజయకేతనం ఎగరవేసింది. ఎన్నికల ముందు వరకు కూడా పార్టీ గుర్తు గాజు గ్లాసు విషయంలో జనసేన తీవ్ర ఇబ్బందులు ఎదుర్కొంది. ఈ గుర్తును ఎన్నికల సంఘం ఫ్రీ సింబల్ లిస్ట్‌లో పెట్టడంతో జనసేన పలుమార్లు రిక్వేస్ట్ చేసిన తర్వాత గాజు గ్లాస్ గుర్తును జనసేనకు ఈసీ కేటాయించింది. ఈ నేపథ్యంలో ఎన్నికల్లో అద్భుత విజయం సాధించిన జనసేనకు ఇది మరో గుడ్‌న్యూస్ అనే చెప్పవచ్చు. ఈ ఫలితాలతో ‘గాజు గ్లాసు’ గుర్తును ఆ పార్టీకి ఈసీ శాశ్వతంగా కేటాయించనుంది. పార్టీకి పర్మినెంట్ గుర్తు రావాలంటే అసెంబ్లీ, లోక్‌సభ ఎన్నికల్లో 6 శాతం చొప్పున ఓట్లు రావాలి. కనీసం 2 ఎమ్మెల్యే, ఒక ఎంపీ సీటు గెలవాలి. ఈ ఎన్నికల్లో జనసేన 21 ఎమ్మెల్యే, 2 ఎంపీ స్థానాలు దక్కించుకోవడంతో పార్టీ సింబల్ టెన్షన్ తీరిపోయింది. త్వరలోనే ఈసీ అధికారికంగా జనసేన పార్టీకి గ్లాస్ గుర్తు ఇవ్వనుంది.
