Breaking: విజయవాడ-హైదరాబాద్ హైవేపై ఘోర రోడ్డుప్రమాదం

దిశ, వెబ్ డెస్క్: విజయవాడ-హైదరాబాద్ జాతీయ రహదారిపై ఘోర రోడ్డు ప్రమాదం జరిగింది. రోడ్డుపై వెళ్తున్న ట్యాంకర్ అదుపు తప్పి మూడు ఫల్టీలు కొట్టింది. ఫ్లైఓవర్ బ్రిడ్జి నుంచి సర్వీస్ రోడ్డుపైకి ట్యాంకర్ బోల్తా పడింది. కోదాడ నుంచి జగ్గయ్యపేట వెళ్తుండగా అనుమంచిపల్లి వద్ద ఈ ఘటన జరిగింది. ఈ ప్రమాదంలో డ్రైవర్ పరిస్థితి విషమంగా ఉంది. విషయం తెలుసుకున్న పోలీసులు సంఘటనా స్థలాన్ని పరిశీలించారు. క్షతగాత్రుడిని ఆస్పత్రికి తలించారు. జేసీబీల సాయంతో ట్యాంకర్‌ను పైకి లేపి రోడ్డు పక్కన పెట్టారు. ప్రమాదానికి గల కారణాలను స్థానికుల నుంచి వివరాలు సేకరించారు. అతివేగమే ప్రమాదానికి కారణంగా ప్రాథమికంగా అంచనా వేశారు. ఘటనపై కేసు నమోదు చేసి దర్యాప్తు చేస్తున్నారు.