IPL 2024 : బెంగళూరు ముందు టఫ్ టార్గెట్ పెట్టిన పంజాబ్

దిశ, స్పోర్ట్స్ : ఐపీఎల్-2024లో భాగంగా సోమవారం బెంగళూరు వేదికగా జరుగుతున్న మ్యాచ్‌లో రాయల్ చాలెంజర్స్‌ బెంగళూరు ముందు పంజాబ్ కింగ్స్ 177 పరుగుల టఫ్ టార్గెట్ పెట్టింది. టాస్ గెలిచిన బెంగళూరు బౌలింగ్ ఎంచుకోగా.. ముందుగా పంజాబ్ బ్యాటింగ్‌కు దిగింది. నిర్ణీత 20 ఓవర్లలో పంజాబ్ 6 వికెట్లు కోల్పోయి 176 పరుగులు చేసింది. కెప్టెన్ శిఖర్ ధావన్(45) కీలక ఇన్నింగ్స్ ఆడాడు. జితేశ్ శర్మ(27), ప్రభ్‌సిమ్రాన్ సింగ్(25), సామ్ కర్రన్(23) విలువైన పరుగులు జోడించగా.. ఆఖర్లో శశాంక్ సింగ్ మెరుపులు మెరిపించాడు. 8 బంతుల్లో 2 సిక్స్‌లు, ఒక్క ఫోర్‌తో 21 పరుగులు చేసి అజేయంగా నిలిచాడు. బెంగళూరు బౌలర్లలో సిరాజ్, మ్యాక్స్‌వెల్ రెండేసి వికెట్లతో సత్తాచాటి పంజాబ్‌ను కట్టడి చేశారు. యశ్ దయాల్, అల్జారీ జోసెఫ్‌కు చెరో వికెట్ దక్కింది.