Pushya Pournami:  పుష్య పౌర్ణమి.. ఆ రోజున ఈ పనులు చేస్తే.. గ్రహాలతో ఉన్న ఆటంకాలు తొలగిపోతాయి!

దిశ, వెబ్ డెస్క్ : పుష్య మాసంలో వచ్చే శుక్ల పక్ష పౌర్ణమిని పుష్య పూర్ణిమ అని పిలుస్తారు. ఈ రోజున చంద్రుడుసంపూర్ణ రూపంలో కనిపిస్తాడు. పుష్య పూర్ణిమ రోజున దేవుడికి పూజ చేసి, దానం చేస్తుంటారు. ముఖ్యంగా కాశీ, హరిద్వార్, ప్రయాగ్‌రాజ్‌లలో గంగాస్నానం చేస్తుంటారు.

పుష్య పూర్ణిమ

పుష్య పూర్ణిమ 2025 జనవరి 13 ఉదయం 4:32 గంటలకు ప్రారంభమయ్యి జనవరి 14 తెల్లవారుజామున 3:41 గంటలకు ముగుస్తుంది.

ఈ వస్తువులను దానం చేయండి

ఈ రోజున సూర్య దేవునితో పాటు చంద్రుడిని పూజించాలి. పుష్య పూర్ణిమ రోజున, భక్తులు బ్రహ్మముహూర్తంలో గంగాస్నానం చేస్తే పాపాలన్నీ తొలగిపోతాయని చెబుతున్నారు. అలాగే పేదలకు దానం చేస్తే వారి జీవితంలో ఉన్న సమస్యలు తొలగుతాయని పండితులు చెబుతున్నారు. ఈ రోజున బెల్లం, నువ్వులు, దుస్తులు దానం చేయడం ఎంతో శ్రేయస్కరంగా ఉంటుంది. ఇలా చేయడం వలన పాపాలు పోవడమే కాకుండా, ఇంట్లో శాంతి ఉంటుంది. ఇంకా రాహువు , శని గ్రహాలతో ఉన్న సమస్యలు తొలగి మంచి జరుగుతుందని జ్యోతిష శాస్త్రం చెబుతోంది.