ఘోర రోడ్డు ప్రమాదం..ఒకరు మృతి, 20 మందికి గాయాలు
దిశ, కడప:ఉమ్మడి కడప జిల్లా రాజంపేట నియోజకవర్గం నందలూరు మండలం మూతపడిన ఆల్విన్ కర్మాగారం సమీపంలోని ఆంజనేయస్వామి ఆలయం వద్ద జరిగిన ఘోర రోడ్డు ప్రమాద ఘటనలో జనసేన నేత యల్లటూరి శ్రీనివాస రాజు మానవత్వాన్ని చాటుకున్నారు. ఈ ఘటనలో క్షతగాత్రులను వాహనాల ద్వారా సత్వర చికిత్స కోసం ఆసుపత్రికి తరలించారు. దగ్గర ఉండి వారిని ఓదార్చుతూ, ధైర్యం చెబుతూ తన అనుచరులు సహకారంతో వారిని ఆస్పత్రికి తరలించారు. తిరుపతి నుంచి జమ్మలమడుగు కి వెళుతున్న ఆర్టీసీ బస్సును కడప వైపు నుంచి వస్తున్న లారీ ఢీ కొట్టడంతో ఈ ప్రమాదం జరిగింది. బస్సు కండక్టర్ రాముడు (40) అక్కడికక్కడే మృతి, 20 మంది ప్రయాణికులకు గాయాలైన ఈ సంఘటన అక్కడ హృదయ విదారక దృశ్యం గా మారింది. క్షతగాత్రులైన వీరందరినీ శ్రీనివాస‌రాజు ప్రభుత్వ ఆసుపత్రిలో పరామర్శించి, మెరుగైన వైద్యం కోసం ఉచిత ప్రైవేట్ అంబులెన్స్ ఏర్పాటు చేశారు .
