వెంకటగిరిలో గంజాయి స్వాధీనం.. వ్యక్తి అరెస్ట్..
దిశ, జూబ్లిహిల్స్ : మిషన్ ధూల్ పేట్ పేరుతో ఇటీవల తెలంగాణ పోలీసులు నిఘా పెట్టి ఏకంగా ధూల్ పేట్ నుండి జూబ్లీహిల్స్ , వెంకటగిరి, ఇతర ప్రాంతాలకు గంజాయి సరఫరా మాత్రం జోరుగా సాగుతోంది. గంజాయి అమ్ముతున్న వ్యక్తిని అరెస్ట్ చేసిన ఘటన జూబ్లిహిల్స్ ఎక్సైజ్ పోలీస్ స్టేషన్ పరిధిలో చోటుచేసుకుంది. ఎక్సైజ్ ఇన్స్పెక్టర్ కే.వాసుదేవరావు తెలిపిన వివరాల ప్రకారం వెంకటగిరికి చెందిన చల్లా వినయ్ కుమార్ (25), ఎలక్ట్రీషియన్ పని చేస్తుంటాడు.
వినయ్ కుమార్ శనివారం ధూల్పేట నుంచి డ్రై గంజాయి తీసుకువచ్చి వెంకటగిరిలో అమ్మకాలు సాగిస్తున్నాడు. విశ్వసనీయ సమాచారం మేరకు హైదరాబాద్ ఎన్ఫోర్స్మెంట్, జూబ్లిహిల్స్ ఎక్సైజ్ అధికారులు కలిసి సంఘటనా స్థలానికి చేరుకుని చల్లా వినయ్ కుమార్ ని అదుపులోకి తీసుకుని, అతని వద్ద నుంచి 300 గ్రాముల డ్రై గంజాయి స్వాధీనం చేసుకున్నారు. అరెస్ట్ చేసి రిమాండ్ కి తరలించినట్లు పోలీసులు తెలిపారు.
