రైలు కిందపడి వ్యక్తి మృతి

దిశ,జమ్మికుంట : కరీంనగర్ జిల్లా జమ్మికుంట మండలం బిజిగిరి షరీఫ్ రైల్వే స్టేషన్ సమీపంలో ప్రమాదవశాత్తు ఓ వ్యక్తి కింద పడి మృతి చెందినట్లు రామగుండం రైల్వే హెడ్ కానిస్టేబుల్ గంగారపు తిరుపతి తెలిపారు. ఆయన కథనం మేరకు వివరాలు ఇలా ఉన్నాయి. ఒరిస్సా రాష్ట్రం బలంగిర్ జిల్లా బారుపల్లి గ్రామానికి చెందిన గోపాల్ ఛత్రియ(43) అనే వ్యక్తి తన చిన్న కుమారుడు, కుమార్తె తో పాటు గ్రామానికి చెందిన కొందరు వ్యక్తులతో కలిసి తురేకల స్టేషన్ నుండి రాయపూర్ వెళ్లి అక్కడ నుంచి సికింద్రాబాద్ కు జనరల్ కోచ్ లో ప్రయాణిస్తుండగా ప్రమాదవశాత్తు కింద పడి మృతి చెందాడు. మృతునికి భార్య ద్రౌపది తో పాటు ఇద్దరు కుమారులు, ఒక కూతురు ఉంది. ఛత్రియ శవాన్ని జమ్మికుంట పట్టణంలోని ప్రభుత్వ ఆసుపత్రి మార్చురీలో భద్రపరిచినట్లు రైల్వే కానిస్టేబుల్ పేర్కొన్నారు.