బిగ్‌బాస్-7: దుమ్ము రేపుతున్న ఫినాలే ప్రోమో.. స్పెషల్ గెస్టులు ఎంత మంది వచ్చారంటే?
దిశ, వెబ్‌డెస్క్: తెలుగు బుల్లితెరపై ప్రసారమవుతున్న బిగ్‌బాస్ రియాలిటీ షో సక్సెస్‌ ఫుల్‌గా కొనసాగుతుంది. ఇప్పటికే ఆరు సీజన్లను పూర్తి చేసుకుని దూసుకుపోతుంది. అయితే ఇటీవల సీజన్ 7 కూడా ప్రారంభమై ముగింపు దశకు కూడా చేరుకుంది. ఇందులో 19 మంది కంటెస్టెంట్స్ ఎంట్రీ ఇవ్వగా ఫినాలేకు ప్రశాంత్, అమర్, అర్జున్, యావర్, శివాజీ నిలిచారు. అయితే ఈరోజు సాయంత్రం 7 గంటలతో గ్రాండ్ ఫినాలే ఎపిసోడ్ ప్రారంభం కానుంది.
తాజాగా, ఫినాలేకు సంబంధించిన ప్రోమో రిలీజ్ అయింది. ఇందులో ఏకంగా ఐదుగురు హీరోయిన్స్, నాగార్జునతో కలిపి ఆరుగురు హీరోలు స్టేజ్‌పై సందడి చేశారు. మాస్ మహారాజా రవితేజ సంక్రాంతి విడుదల కానున్న తన ఈగల్ చిత్రాన్ని బిగ్‌బాస్-7 ఫినాలేలో ప్రమోట్ చేసేందుకు వచ్చారు. అలాగే నా సామి రంగలో కీలక పాత్రలో నటిస్తున్న అల్లరి నరేష్, రాజ్ తరుణ్, హీరోయిన్ అషికా రంగనాథ్ వచ్చారు. మరో స్టార్ హీరో కల్యాణ్ రామ్ డెవిల్ సినిమా ప్రమోషన్స్ కోసం వచ్చాడు. ఇక బుల్లితెర స్టార్ యాంకర్ కొడుకు రోషన్,మానస చౌదరి బబుల్ గమ్ సినిమా ప్రమోట్ చేయడానికి వచ్చారు. అలాగే సంయుక్త మీనన్ కూడా సందడి చేసింది. నిధి అగర్వాల్, నేహా శెట్టి తమ డ్యాన్స్‌లతో స్టేజ్‌పై దుమ్మురేపారు. మా బావ మనోభావాలు దెబ్బతిన్నాయి పాటలో మెరిసిన చంద్రిక రవి సైతం డాన్స్ ఇరగదీసింది.
