గుర్తుపట్టలేనంతగా మారిపోయిన అల్లు అర్జున్ హీరోయిన్.. వైరల్ అవుతున్న ఫొటోలు
దిశ, సినిమా: చైల్డ్ ఆర్టిస్టుగా ఇండస్ట్రీలోకి అడుగు పెట్టి సినిమాల్లో హీరోయిన్‌గా నటించే స్థాయికి ఎదిగిన షీలా కౌర్ గురించి ప్రత్యేకంగా చెప్పనక్కర్లేదు. అయితే ఈ భామ హీరోయిన్‌గా 2006లో నవదీప్‌తో కలిసి ‘సీతాకోక చిలుక’ అనే సినిమాతో టాలీవుడ్‌‌లో అడుగుపెట్టింది. ఆ తర్వాత రాజు భాయ్, హలో ప్రేమిస్తారా వంటి సినిమాల్లో యాక్ట్ చేసింది. అయితే షీలాకు బ్రేక్ ఇచ్చిన సినిమా మాత్రం అల్లు అర్జున్ పరుగు అనే చెప్పాలి. ఎందుకంటే ఇందులో మీనాక్షి అనే అమాయకమైన పల్లెటూరి అమ్మాయిగా షీలా అభినయం అందరినీ ఆకట్టుకుంది. దీంతో ఈ ముద్దుగుమ్మకు బాగానే హీరోయిన్ ఛాన్సులు వచ్చాయి. అలా మస్కా, అదుర్స్ వంటి సినిమాల్లో నటించింది. అయితే ఈ సినిమాల్లో ఎక్కువగా గ్లామరస్ రోల్స్‌కే పరిమితమైంది. దీంతో క్రమంగా అవకాశాలు తగ్గిపోయాయి. తెలుగుతో పాటు తమిళ్, కన్నడ, మలయాళ సినిమాల్లోనూ నటించింది షీలా.
అలా చివరిసారిగా 2108 లో హైపర్ అనే కన్నడ సినిమాలో నటించిన ఈ బ్యూటీ.. ఆ తర్వాత సినిమాలకు దూరమైంది. ఇక 2020లో సంతోష్ రెడ్డిని వివాహం చేసుకుంది. ప్రస్తుతం మ్యారీడ్ లైఫ్‌ను ఎంజాయ్ చేస్తోంది. సోషల్ మీడియాలోనూ పెద్దగా యాక్టివ్ గా ఉండటం లేదు. అప్పుడప్పుడు మాత్రమే ఫొటోలు షేర్ చేస్తుంటుంది. అలా తాజాగా తన కూతురు శివితో కలిసి షీలా దిగిన ఫొటోలు ఇప్పుడు నెట్టింట వైరలవుతున్నాయి. ఇక వీటిని చూసిన నెటిజన్లు.. అప్పట్లో స్లిమ్‌గా, క్యూట్‌గా కనిపించిన ఈ ముద్దుగుమ్మ ఇప్పుడు చాలా మారిపోయిదంటూ కామెంట్స్ చేస్తున్నారు.
