అయోధ్యలో 14 లక్షల దీపాలతో రాముడి బొమ్మ..
దిశ, ఫీచర్స్ : జనవరి 22న అయోధ్యలోని రామాలయంలో రామలాలాకు పట్టాభిషేకం జరగనుంది. శంకుస్థాపన కార్యక్రమానికి దేశ ప్రధాని నరేంద్ర మోదీ కూడా హాజరుకానున్నారు. ఈ కార్యక్రమానికి దేశ వ్యాప్తంగా ఉన్న ఋషులు, సాధువులను ఆహ్వానించారు. అంతేకాకుండా రాజకీయ, సినీ, క్రీడా రంగాలకు చెందిన ప్రముఖులు కూడా ఈ వేడుకకు హాజరుకానున్నారు. అదే సమయంలో అయోధ్య భద్రతను పెంచారు. కూడళ్ల వద్ద పోలీసు బలగాలను మోహరించారు. రోడ్లపై సీసీ కెమెరాలు ఏర్పాటు చేశారు. మరోవైపు పోలీసులు ఆర్టిఫిషియల్ ఇంటెలిజెన్స్ సాయం కూడా తీసుకుంటున్నారు. భద్రతా సంస్థలు అలర్ట్ మోడ్‌లో ఉన్నాయి. అయోధ్య నుండి నేపాల్ సరిహద్దు వరకు భద్రత కట్టుదిట్టం చేశారు.
అయోధ్యలో జరగనున్న రామ్‌లల్లా పట్టాభిషేక కార్యక్రమానికి హాజరు కావాల్సిందిగా రాష్ట్రపతి ద్రౌపది ముర్మును రామమందిర్ ట్రస్ట్ ప్రతినిధి బృందం ఆహ్వానించింది. ఈ బృందంలో విశ్వహిందూ పరిషత్ (విహెచ్‌పి) వర్కింగ్ ప్రెసిడెంట్ అలోక్ కుమార్ కూడా ఉన్నారు. దీంతో పాటు రాష్ట్రీయ స్వయంసేవక్ సంఘ్ (ఆర్‌ఎస్‌ఎస్) నేత రాంలాల్, రామమందిర నిర్మాణ కమిటీ చైర్మన్ నృపేంద్ర మిశ్రా కూడా రాష్ట్రపతిని ఆహ్వానించేందుకు తరలివెళ్లారు.
అయోధ్యకు వచ్చే భక్తులకు ప్రసాదం..
అయోధ్య రామ మందిరం ప్రాణ ప్రతిష్ట కార్యక్రమానికి వచ్చే భక్తులకు రామజన్మభూమి మట్టితో పాటు దేశీ నెయ్యితో చేసిన 100 గ్రాముల మోతీచూర్ లడ్డూలను ప్రసాదంగా అందజేయనున్నారు. అతిథులకు స్వాగతం పలికేందుకు 5000 మంది కార్మికులు నగరంలో ఉంటారు.
అయోధ్యలో దీపావళి
అయోధ్యలో 14 లక్షల దీపాలతో రాముడి బొమ్మను రూపొందించనున్నారు. ఈ కార్యక్రమానికి పలువురు మంత్రులు కూడా హాజరు కానున్నారు.
