ICC World Cup 2023: మహ్మదుల్లా ఒంటరి పోరాటం వృధా.. బంగ్లాపై సౌతాఫ్రికా ఘన విజయం
దిశ, వెబ్‌డెస్క్: ICC World Cup 2023లో భాగంగా ముంబైలోని వాంఖెడే స్టేడియం వేదికగా బంగ్లాదేశ్‌తో జరుగుతున్న 23వ లీగ్‌ మ్యాచ్‌లో సౌతాఫ్రికా ఘన విజయం సాధించింది. సౌతాఫ్రికా నిర్దేశించిన 383 పరుగుల లక్ష్యాన్ని ఛేదించడానికి బరిలోకి దిగిన బంగ్లాదేశ్ 46.4 ఓవర్‌లకు 233 పరుగులకు అలౌట్ అయింది. బంగ్లా బ్యాటర్స్‌లో మహ్మదుల్లా (111) పరుగులతో ఒంటరి పోరాటం చేశాడు. మిగిలిన బ్యాటర్స్‌లో.. లిట్టన్ దాస్ (22), మెహిదీ హసన్ మిరాజ్ (11), నసుమ్ అహ్మద్ (19), తాంజిద్ హసన్ (12) పరుగులకే పెవిలియన్ చేరారు. దీంతో సౌతాఫ్రికా 149 పరుగుల తేడాతో ఘన విజయం సాధించింది. సౌతాఫ్రికా బౌలర్‌లో.. గెరాల్డ్ కోయెట్జీ 3 వికెట్లు తీయగా.. మార్కో జాన్సెన్, లిజాడ్ విలియమ్స్, కగిసో రబడ చెరో 2 వికెట్లు పడగొట్టారు.
అంతకుముందు మొదట బ్యాటింగ్ చేసిన సౌతాఫ్రికా నిర్ణీత 50 ఓవర్‌లకు 5 వికెట్లు కోల్పోయి 382 పరుగులు చేసింది. సాతాఫ్రికా బ్యాటర్లలో ఓపెనర్‌ క్వింటన్‌ డికాక్‌ అద్భుతమైన శతకంతో చెలరేగాడు. ఈ మ్యాచ్‌లో 140 బంతులు ఎదుర్కొన్న డికాక్‌.. 15 ఫోర్లు, 7 సిక్స్‌లతో 174 పరుగులు చేశాడు. అతడితో పాటు హెన్రిస్‌ క్లాసెన్‌ విధ్వంసకర ఇన్నింగ్స్‌ ఆడాడు. క్లాసెన్‌ కేవలం 49 బంతుల్లో 2 ఫోర్లు, 8 సిక్స్‌లతో 90 పరుగులు చేశాడు. మిగిలిన బ్యాటర్స్‌లో.. ఐడెన్ మార్క్రామ్ (60), డేవిడ్ మిల్లర్ (34) రాణించారు. బంగ్లాదేశ్ బౌలర్‌లో.. హసన్ మహమూద్ 2 వికెట్లు తీయగా.. మెహిదీ హసన్ మిరాజ్, షారిఫుల్ ఇస్లాం, షకీబ్ అల్ హసన్ తలో వికెట్ పడగొట్టారు.
The South Africa juggernaut rolls on in Mumbai 🤩
— ICC Cricket World Cup (@cricketworldcup) October 24, 2023
The Proteas garner a massive net run rate boost with another emphatic win ✅#CWC23 | #SAvBAN 📝: https://t.co/zon7XRfci5 pic.twitter.com/ycudXjTcnz
