రోడ్డు ప్రమాదంలో యువకుడు మృతి..

దిశ, మాక్లూర్ : చిక్కిలి గ్రామ సమీపంలో శనివారం రాత్రి జరిగిన రోడ్డు ప్రమాదంలో యువకుడు మృతి చెందాడు. ఆదివారం ఉదయం రోడ్డు పక్కన వ్యక్తి పడి ఉండటం గమనించిన స్థానికులు పోలీసులకు సమాచారం అందించారు. ఘటన స్థలానికి చేరుకున్న పోలీసులు ప్రమాద స్థలాన్ని పరిశీలించి మృతుడు ధర్మోరా గ్రామానికి చెందిన శ్రీకాంత్ (28)గా గుర్తించారు. శ్రీకాంత్ ఓ ప్రైవేటు పాఠశాలలో విధులు నిర్వహించుకుని మోటార్ సైకిల్ పై ఇంటికి తిరిగి వెళ్తుండగా ప్రమాదం జరిగినట్లు పోలీసులు ప్రాథమికంగా అంచనా వేశారు. ఎవరైనా ఢీ కొట్టారా, అదుపుతప్పి తనకు తాను కింద పడటంతో ప్రమాదం జరిగిందా అనేది తెలియరాలేదు. మృతునికి ఏడాది క్రితం వివాహం జరిగింది. కేసు నమోదు చేసుకుని దర్యాప్తు చేస్తున్నట్లు ఎస్సై రాజశేఖర్ తెలిపారు.