ICC World Cup 2023: రోహిత్ శర్మ సరికొత్త చరిత్ర.. ఆల్‌టైమ్‌ రికార్డు బద్దలు
దిశ, వెబ్‌డెస్క్: ICC World Cup 2023లో భాగంగా ముంబై వేదికగా న్యూజిలాండ్‌తో జరుగుున్న తొలి సెమీ ఫైనల్లో టీమిండియా కెప్టెన్‌ రోహిత్ శర్మ సరికొత్త చరిత్ర సృష్టించాడు. అత్యధిక సిక్సర్ల వీరుడిగా వెస్టిండీస్ స్టార్‌ క్రిస్‌గేల్‌ పేరిట ఉన్న ఆల్‌టైమ్‌ రికార్డు బద్దలు కొట్టాడు. యువ బ్యాటర్‌ శుబ్‌మన్‌ గిల్‌తో కలిసి రోహిత్ శర్మ భారత్ ఇన్నింగ్స్‌ ఆరంభించాడు. ఈ క్రమంలో తొలి ఓవర్‌ నాలుగో బంతికి ట్రెంట్‌ బౌల్ట్‌ బౌలింగ్‌లో తొలి బౌండరీ బాదిన రోహిత్.. మూడో ఓవర్‌ మూడో బంతికి సిక్సర్ల ఖాతా తెరిచాడు. ఆ తర్వాత మరో మూడు సిక్స్‌లు బాదాడు. దీంతో ప్రపంచకప్‌ తాజా ఎడిషన్‌లో రోహిత్ శర్మ సిక్సర్ల సంఖ్య 27కు చేరుకుంది.
ఈ క్రమంలో వరల్డ్‌కప్‌ సింగిల్‌ ఎడిషన్‌లో అత్యధిక ICC World Cup 2023: రోహిత్ శర్మ సరికొత్త చరిత్ర.. ఆల్‌టైమ్‌ రికార్డు బద్దలుసిక్స్‌లు కొట్టిన బ్యాటర్‌గా హిట్‌మ్యాన్‌ చరిత్రకెక్కాడు. ఈ జాబితాలో యూనివర్సల్‌ బాస్‌ క్రిస్‌గేల్‌ను వెనక్కి అగ్రస్థానానికి చేరుకున్నాడు. మొత్తంగా 28 బంతులు ఎదుర్కొన్న రోహిత్ శర్మ 47 పరుగులు చేశాడు. అతడి ఇన్నింగ్స్‌లో 4 ఫోర్లు, 4 సిక్సర్లు ఉన్నాయి. పవర్‌ ప్లేలో దూకుడు ప్రదర్శించిన హిట్‌మ్యాన్‌ ఇన్నింగ్స్‌కు.. తొమ్మిదో ఓవర్‌ రెండో బంతి వద్ద తెరపడింది. కివీస్‌ పేసర్‌ టిమ్‌ సౌథీ బౌలింగ్‌లో కెప్టెన్‌ కేన్‌ విలియమ్సన్‌కు క్యాచ్‌ ఇచ్చి రోహిత్ పెవిలియన్‌ చేరాడు.
🚨 Milestone Alert 🚨
— BCCI (@BCCI) November 15, 2023
Captain Rohit Sharma has now hit the most sixes in Men's ODI World Cup 🫡#TeamIndia | #CWC23 | #MenInBlue | #INDvNZ pic.twitter.com/rapyuF0Ueg
