తెలంగాణలో నిన్న 9 మంది మృతి

దిశ, వెబ్ డెస్క్: తెలంగాణలో కరోనా మృతుల సంఖ్య రోజురోజుకు పెరుగుతూనే ఉంది. వేల సంఖ్యలో కేసులు నమోదవుతున్నాయి. ఇలా ఆ మహమ్మారి బారిన పడి ప్రజలు అల్లాడుతున్నారు. రాష్ట్ర ఆరోగ్యశాఖ తాజాగా విడుదల చేసిన కరోనా బులెటిన్ ప్రకారం.. గడిచిన 24 గంటల్లో 1,849 కొత్త కేసులు నమోదయ్యాయి. 9 మంది మృతిచెందారు.

దీంతో రాష్ట్ర వ్యాప్తంగా ఇప్పటివరకు నమోదైన కేసుల సంఖ్య లక్షా 24,963 కు చేరింది. ఇందులో 92,823 మంది బాధితులు కరోనా నుంచి కోలుకున్నారు. 31,299 మంది బాధితులు ఇంకా కరోనాతో పోరాడుతూనే ఉన్నారు. అదేవిధంగా ఇప్పటివరకు కరోనా సోకి 827 మంది బాధితులు మృతిచెందారు. కాగా, తాజాగా నమోదైన కేసుల్లో హైదరాబాద్-360, కరీంనగర్-180, రంగారెడ్డి-129 కొత్త కేసులు నమోదయ్యాయి.