టిక్‌టాక్‌లో క్రాప్ టాప్ వేసుకుంద‌ని సొంత అన్న‌ ఇలా చేశాడు..!

దిశ‌, వెబ్‌డెస్క్ః టిక్‌టాక్ స్టార్ ఇరాఖీ కుర్దిస్థాన్‌కు వేల‌ల్లో ఫాలోవ‌ర్స్ ఉన్నారు. మారి, మరియా అనే పేర్ల‌తో సుప‌రిచితురాలైన‌ ఎమాన్ సమీ మగ్దిద్ ఇప్పుడు హ‌త్య‌కు గుర‌య్యింది. ప్ర‌పంచ మాన‌వుడంటూ కాల‌ర్ ఎగ‌రేసుకు బ‌తుకుతున్న ఈ ఆధునికి మాన‌వుడు మైండ్ నిండా స‌నాత‌న ఆలోచ‌న‌లే నింపుకొని, మ‌త‌వాదంలో మాన‌వ‌త్వాన్ని మ‌రిచిపోతున్నాడన‌డానికి ఈమె హ‌త్యే కార‌ణం. 17 ఏళ్ల మ‌రియా సోదరుడు ఇటీవ‌ల ఓ రాత్రి ఎర్బిల్ నగరంలోని ఒక రోడ్డుపైన త‌న సొంత సోద‌రి దేహంలో తొమ్మిది బుల్లెట్లను దింపాడు. ఇదంతా కేవ‌లం ఆమె ఒక క్రాప్ టాప్ వేసుకొని టిక్‌టాక్ వీడియో చేసింద‌నే కార‌ణంతో!

ఈ కేసులో యువకుడితో పాటు అతనికి ఆశ్రయం ఇస్తున్నట్లు అనుమానిస్తున్న మరో వ్యక్తిని పోలీసులు అదుపులోకి తీసుకున్నారు. అయితే, 20 ఏళ్ల మారియా ఓ ఆధునిక యువ‌తి, సోషల్ మీడియాలో దుర్మార్గ‌పు ఆచారాల‌కు వ్య‌తిరేకంగా 'తిరుగుబాటు' ఫోటోలు, వీడియోలను పోస్ట్ చేయడంలో ప్రసిద్ధి చెందింది. సిగరెట్ తాగడం, ఆమె అభిప్రాయాలను నిర్భ‌యంగా వ్యక్తం చేయడం, క్రాప్ టాప్స్, క్రుసిఫిక్స్ ధరించడం వంటి చ‌ర్య‌ల‌ను వ్య‌తిరేకించిన త‌న సోద‌రుడు ఈ ఘాతుకానికి పాల్ప‌డ్డాడు.