Flight Accident: మరో ఘోర విమాన ప్రమాదం.. తొమ్మిది మంది దుర్మరణం!

దిశ, వెబ్‌డెస్క్: టూరిస్టులతో వెళ్తున్న విమానం ఒక్కసారిగా కుప్పకూలిన ఘటన థాయ్‌లాండ్‌లో చోటుచేసుకుంది. వివరాల్లోకి వెళితే.. బ్యాంకాక్ ఎయిర్‌పోర్టు నుంచి ట్రాట్ ప్రావిన్స్‌లోని చాచోంగ్ సావోలోకు ఏడుగురు టూరిస్టులు, ఇద్దరు సిబ్బందితో థాయ్ ఫ్లయింగ్ సర్వీస్ C208 టేకాఫ్ అయింది. ఈ క్రమంలోనే బ్యాంకాక్‌లోని సువర్ణ భూమి ఎయిర్ ట్రాఫిక్ కంట్రోల్ సెంటర్‌తో ఆ ఫ్లైట్ సంబంధాన్ని కోల్పోయింది. అయితే, స్థానిక కాలమానం ప్రకారం మధ్యాహ్నం 3.18కి విమానం చాచోంగ్‌సావోలోని అటవీ ప్రాంతంలో కుప్పకూలినట్లుగా సమాచారం అందడంతో రెస్క్యూ టీం రంగంలోకి దిగింది. వారు ఫ్లైట్, పర్యాటకుల జాడ కోసం తీవ్రంగా గాలిస్తున్నారు. ఈ ప్రమాదంలో ఎవరైనా చనిపోయారా.. అసలేం జరిగిందనే సమచారం ఇంకా తెలియాల్సి ఉంది.