టీ 20 వరల్డ్ కప్ లో ఆస్ట్రేలియా శుభారంభం

దిశ, డైనమిక్ బ్యూరో:టీ20 ప్రపంచ కప్ టోర్నీలో ఆస్ట్రేలియా బోణీ కొట్టింది. గురువారం బార్బడోస్ వేదికగా ఒమన్ తో జరిగిన గ్రూప్ -బీ మ్యాచ్ లో 39 పరుగుల తేడాతో కంగారు జట్టు విజయం సాధించింది. మార్కస్ స్టోయినిస్ బ్యాటింగ్, బౌలింగ్ లో విధ్వంసం సృష్టించడంతో ఒమన్ ఓటమి పాలైంది. తొలుత బ్యాటింగ్ దిగిన ఆస్ట్రేలియా నిర్ణీత 20 ఓవర్లలో అయిదు వికెట్ల నష్టానికి 164 పరుగులు చేసింది. డేవిడ్ వార్నర్ (56; 51 బంతుల్లో, 6 ఫోర్లు, 1 సిక్సర్), స్టొయినిస్ అర్ధశతకాలు సాధించారు. అనంతరం లక్ష్య ఛేదనకు దిగిన ఒమన్ 20 ఓవర్లలో తొమ్మిది వికెట్లు కోల్పోయి 129 పరుగులు చేసింది. అయాన్ ఖాన్ (36; 30 బంతుల్లో, 2 ఫోర్లు, 2 సిక్సర్లు) టాప్ స్కోరర్ గా నిలిచారు. స్టోయినిస్ మూడు వికెట్లతో పసికూనపై విరుచుకుపడ్డాడు.