బిగ్ బ్రేకింగ్ : మహిళా సంఘాలకు సీఎం కేసీఆర్ గుడ్ న్యూస్

దిశ, తెలంగాణ బ్యూరో : రాష్ట్రంలోని మహిళా సంఘాలకు ఈ ఆర్థిక సంవత్సరంలో రూ.3,060 కోట్ల రుణాలను అందించనున్నారు. స్త్రీ నిధి ద్వారా వీటిని విడుదల చేశారు. గ్రామీణ ప్రాంతాల్లోని మహిళా సంఘాలకు రూ. 2,340 కోట్లు, పట్టణ ప్రాంతాల్లోని సంఘాలకు రూ.720 కోట్లు రుణాలుగా ఇవ్వనున్నారు. స్త్రీ నిధి ద్వారా ఇప్పటి వరకు రూ.11,683 కోట్లను మహిళా సంఘాలకు ఇచ్చినట్లు మంత్రి ఎర్రబెల్లి దయాకర్​రావు తెలిపారు. అదే విధంగా స్త్రీ నిధి నుంచి రూ.4.31 కోట్ల విలువైన కంప్యూటర్లు, ప్రింటర్లను మండల, పంటల సమాఖ్య, నైబర్​హుడ్​సెంటర్లకు సోమవారం పంపిణీ చేశారు.