పెళ్లి ట్రాక్టర్ బోల్తా.. ఒకరి మృతి.. 20 మందికి గాయలు

దిశ, వెబ్‌డెస్క్: పెళ్లి ట్రాక్టర్ బోల్తాపడి ఒకరు మృతిచెందగా, 20 మంది తీవ్రంగా గాయపడ్డారు. ఈ ఘటన అనంతపురం జిల్లా కూడేరు మండలం శివరామపేట వద్ద చోటుచేసుకుంది. వివరాళ్లోకి వెళితే.. శివరామపేటలో గురువారం ఓ వివాహం జరిగింది. వరుడు గ్రామమైన మరూట్ల తండా నుంచి పెళ్లికి వెళ్లిన బంధువులు సాయంత్రం ట్రాక్టర్‌లో స్వగ్రామానికి తిరిగి బయలుదేరారు.

ఈ క్రమంలో శివరామపేట వద్ద ట్రాక్టర్ బోల్తా పడింది. ఈ ప్రమాదంలో ముబీనా (20) మృతి చెందింది. మరో 20 మందికి తీవ్ర గాయాలయ్యాయి. విషయం తెలిసిన పోలీసులు ఘటనా స్థలానికి చేరుకుని క్షతగాత్రులను అనంతపురం ప్రభుత్వ ఆస్పత్రికి తరలించారు. అనంతరం కేసు నమోదు చేసుకొని దర్యాప్తు చేపట్టారు.