నృత్య రూపకంలో వెలిదె సాయిత్రిపుర ప్రతిభ

దిశ, డైనమిక్ బ్యూరో : వరంగల్ నగరంలోని రంగశాయిపేటకు చెందిన వెలిదె సాయిత్రిపుర నృత్య రూపకంలో రాష్ట్రస్థాయిలో ప్రతిభ కనబరిచింది. హైదరాబాద్‌లోని రవీంద్రభారతిలో ప్రముఖ నాట్య గురువు బొంపెల్లి సుధీర్ రావు నేతృత్వంలో సద్గురు శ్రీ శివానంద నృత్యమాల సంస్థ కళాకారులు ” విశ్వనాథామృతం” పేరుతో శాస్త్రీయ నృత్య రూపకం నిర్వహించారు. ఈ కార్యక్రమాన్ని రాష్ట్ర క్రీడా, పర్యాటక, సాంస్కృతిక శాఖ మంత్రి శ్రీనివాస్ గౌడ్ ప్రారంభించారు.

కాగా, ఈ కార్యక్రమంలో పాల్గొన్న వెలిదె సాయిత్రిపుర శాస్త్రీయ నృత్యంలో విశేష ప్రతిభ కనబరిచింది. తెలుగు యూనివర్సిటీ వీసీ టి.కిషన్ రావు, భాషా సాంస్కృతికశాఖ డైరెక్టర్ మామిడి హరికృష్ణ, స్టాంపులు- రిజిస్ట్రేషన్ల శాఖ డీఐజీ పి.సుబ్బారావు తదితర ప్రముఖులు సాయి త్రిపురను ప్రశంసించారు.