స‌ర్పంచ్ అరాచ‌కం.. రేడియో టవర్ ఎక్కిన బాధితుడు

దిశ‌, అబ్దుల్లాపూర్‌మెట్‌: త‌న భూమిని స‌ర్పంచ్ అక్రమంగా వేరొక‌రికి అమ్ముకున్నాడ‌ని ఆరోపిస్తూ ఓ బాధితుడు ట‌వ‌ర్ ఎక్కి ఆత్మహ‌త్యకు ప్రయ‌త్నించిన ఘ‌ట‌న రాచ‌కొండ క‌మిష‌న‌రేట్ ప‌రిధిలో జ‌రిగింది. వివ‌రాల్లోకి వెళ్తే.. అబ్దుల్లాపూర్‌మెట్ మండ‌లం తారామ‌తిపేట వాసి కృష్ణగౌడ్ త‌న భూమిని స‌ర్పంచ్ మూల మ‌హేశ్‌గౌడ్ అక్రమంగా, ఎవ‌రికీ తెలియ‌కుండా వేరొక‌రికి అమ్ముకున్నాడ‌ని ఆరోపించాడు. త‌న‌కు న్యాయం చేసి, ఆ భూమిని ఇప్పించాల‌ని డిమాండ్ చేస్తూ వ‌న‌స్థలిపురం పీఎస్ ప‌రిధి చింత‌ల్‌కుంట ద‌గ్గర రేడియో ట‌వ‌ర్ ఎక్కి ఆందోళ‌న చేపట్టాడు. బాధితుడు కృష్ణగౌడ్‌కు పోలీసులు న‌చ్చజెప్పే ప్రయ‌త్నం చేశారు. స్థానికులు పెద్ద ఎత్తున గుమిగూడ‌టంతో ఆ ప్రాంతంలో భారీగా ట్రాఫిక్ జామ్ ఏర్పడింది.