శకుంతలా దేవిగా ఒదిగిపోయిన విద్యా

బాలీవుడ్ మోస్ట్ టాలెంటెడ్ హీరోయిన్ విద్యాబాలన్ నటించిన ‘శకుంతలా దేవి’ ట్రైలర్ ఆకట్టుకుంటోంది. హ్యూమన్ కంప్యూటర్‌గా ప్రసిద్ధి చెందిన గణిత శాస్త్రవేత్త శకుంతలాదేవి బయోపిక్ ఆధారంగా తెరకెక్కుతున్న చిత్రంలో విద్యా బాలన్ టైటిల్ రోల్‌లో ఒదిగిపోయారు. తన బెస్ట్ ఫ్రెండ్‌ అయిన మ్యాథ్స్‌తో జర్నీలో.. శకుంతలాదేవి చిన్ననాటి నుంచి పెళ్లి, ఒక బిడ్డకు తల్లి అవడం, కుటుంబ బంధాల గురించి కూడా సినిమాలో చూపించారు. ఒక్కో సన్నివేశంలో నవ్విస్తూనే.. మరో సీన్‌లో ఎమోషనల్‌కు గురిచేసే విద్యాబాలన్ నటనకు ప్రశంసలు కురుస్తున్నాయి. అయితే సినిమా ట్రైలర్ ఇంటర్నేషనల్ లెవల్‌లో ఉంటుందని ఎక్స్‌పెక్ట్ చేసిన కొందరు ప్రేక్షకులు.. బంధాలు, బంధుత్వాలు అంటూ శకుంతలా దేవి నిజమైన గొప్పతనాన్ని ప్రజెంట్ చేయలేకపోయారేమో అని డిజప్పాయింట్ అవుతున్నారు. జూలై 31న అమెజాన్ ప్రైమ్‌లో విడుదల కానున్న సినిమాకు అను మీనన్ దర్శకత్వం వహించగా.. సోనీ పిక్చర్స్ నెట్ వర్క్స్ ప్రొడక్షన్స్, విక్రమ్ మల్హోత్రా సినిమాను నిర్మించారు.