భూమి పూజకొచ్చిన చెన్నమనేనికి ఊహించని షాక్

దిశ, వేములవాడ: సిరిసిల్ల జిల్లా వేములవాడ రూరల్ మండలంలోని చెక్కపల్లిలో టీఆర్ఎస్ ఎమ్మెల్యేకు ఓ యువకుడు షాకిచ్చాడు. కోఆపరేటివ్ సొసైటీ ఆధ్వర్యంలో గోదాం నిర్మాణ భూమి పూజకు వచ్చిన ఎమ్మెల్యే రమేష్ బాబుపై నిరసన వ్యక్తం చేశాడు ఓ యువకుడు. వాసాలమర్రి, హుజురాబాద్ ఏరియాల్లో ప్రకటించిన దళిత బంధు వేములవాడ నియోజకవర్గంలో ఎందుకు ఇవ్వడం లేదంటూ అనిల్ అందరి ముందు ప్రశ్నించాడు. భవిష్యత్ కాలంలో అన్ని ప్రాంతాల్లోని దళితులకు పథకం వర్తింపజేసేందుకు కృషి చేస్తామని ఎమ్మెల్యే రమేష్ బాబు నచ్చజెప్పే ప్రయత్నం చేశారు. అయినప్పటికీ, నియోజకవర్గ అభివృద్ధిపై గతంలో అనేక రకాల హామీలు ఇచ్చి ముఖం చాటేశారని యువకుడు నిలదీయడంతో కాస్త ఉద్రిక్త వాతావరణం ఏర్పడింది. సదరు యువకుడిని పోలీసులు అడ్డుకుని సర్దిచెప్పడంతో సమస్య తగ్గుముఖం పట్టింది. నియోజకవర్గంలో అభివృద్ధి పై ఇలాగే ప్రశ్నించే గొంతుతో ముందుకు వెళ్తామన్న చర్చ జరుగుతోంది.