అల్లు అర్జున్‌కు షాక్..  సక్సెస్‌ను సెలబ్రేట్ చేసుకుంటున్న సజ్జనార్

దిశ, సినిమా : ఐకాన్ స్టార్ అల్లు అర్జున్‌ను రాపిడో యాడ్ చిక్కుల్లో పడేసింది. ఈ అడ్వర్టయిజ్‌‌మెంట్ తెలంగాణ ఆర్టీసీ ప్రతిష్టకు భంగం కలిగించేలా ఉందని… హీరో అల్లు అర్జున్‌, రాపిడో సంస్థకు ఇప్పటికే లీగల్‌ నోటీసులు అందాయి. దీంతో ఈ ప్రకటనలో టీఎస్ ఆర్టీసీ బస్సులను చూపించిన క్లిప్‌ను తొలగించి యాడ్‌ను ప్రసారం చేస్తోంది.

కాగా తాజాగా ఈ ప్రకటనను పూర్తిగా నిలిపేయాలని ఆదేశించింది లోకల్ కోర్టు. యూట్యూబ్‌‌లో ఉన్న ఇందుకు సంబంధించిన వీడియోలను కూడా రిమూవ్ చేయాలని సూచించింది. ఈ క్రమంలో కోర్టు ఆదేశాలను ఉల్లంఘిస్తే ప్రాసిక్యూషన్ ఎదుర్కోవాల్సి వస్తుందని ట్విట్టర్ ద్వారా హెచ్చరించారు టీఎస్‌ఆర్టీసీ ఎండీ సజ్జనార్. కంపెనీలు తమ ప్రకటనలను రూపొందించే విధానంలో జాగ్రత్తగా ఉండాలని సూచించారు.

A big jolt to @rapidobikeapp!

A local court restrained Rapido from telecasting and promoting a ‘derogatory’ commercial against & @TSRTCHQ, which was featured by Tollywood actor @alluarjun. #Hyderabad 1/7 pic.twitter.com/OuNJvHqX2d

— V.C Sajjanar IPS MD TSRTC Office (@tsrtcmdoffice) December 5, 2021