వైద్యం కోసం సర్పంచ్‌కు TRS నేత ఆర్థిక సాయం.. అభినందించిన గ్రామస్తులు

దిశ, మణుగూరు : భద్రాద్రి కొత్తగూడెం జిల్లా పినపాక మండలం ఎల్చిరెడ్డిపల్లి గ్రామపంచాయతీ సర్పంచ్ నూపా నాగభూషణం గత కొంతకాలంగా అనారోగ్యంతో ఇబ్బందులు పడుతున్నారు. ఆరోగ్యం క్షీణించడంతో ఖమ్మంలోని ప్రైవేట్ ఆసుపత్రిలో చికిత్స తీసుకుంటున్నారు.

అయితే. సర్పంచ్ ఆరోగ్యం క్షీణించిన విషయం తెలుసుకున్న పినపాక మండల టీఆర్ఎస్ బీసీసెల్ నాయకులు పోలిశెట్టి సత్తిబాబు ఖమ్మం వెళ్లి సర్పంచ్ నూపా నాగభూషణాన్ని పరామర్శించి ఆరోగ్య పరిస్థితిని అడిగి తెలుసుకున్నారు. ఈ క్రమంలో చికిత్స కోసం సర్పంచ్ ఫ్యామిలీ ఆర్థిక ఇబ్బందులు ఎదుర్కొంటున్నారన్న విషయం తెలుసుకుని 30 వేల రూపాయల ఆర్థిక సహాయం అందజేశారు.

ఈ సందర్భంగా వారి కుటుంబానికి టీఆర్ఎస్ పార్టీ అండగా ఉంటుందని ఆయన తెలియజేశారు. ఆపదలో ఉన్న సర్పంచ్ కుటుంబాన్ని ఆదుకున్నందుకు గ్రామస్తులు పోలిశెట్టి సత్తిబాబును అభినందించారు.