Viral: అదృష్టానికి బ్రాండ్ అంబాసిడర్.. నీళ్ల ట్యాంకు మీద పడినా సురక్షితంగా మహిళ
దిశ, డైనమిక్ బ్యూరో: అదృష్టం వెంట ఉంటే ఎంత పెద్ద ప్రమాదమైనా పక్కకు తప్పుకొని పోతుందని చెబుతుంటారు. ఇలాంటి ప్రమాదం నుంచే ఓ మహిళ సురక్షితంగా బయటపడి ప్రాణాలు నిలుపుకుంది. దీనికి సంబంధించిన వీడియో నెట్టంట చక్కర్లు కొడుతోంది. వీడియో ప్రకారం ఓ మహిళ యాపిల్ తినుకుంటూ.. రోడ్డుపై నడుచుకుంటూ వెళుతోంది. అకస్మాత్తుగా పక్కనే ఉన్న బిల్డింగ్ పై నుంచి ఒక పెద్ద వాటర్ ట్యాంక్ వచ్చి ఆ మహిళపై పడింది. ఇది చూసిన అందరూ ఆ మహిళ కచ్చితంగా ప్రాణాలు కోల్పోయి ఉంటుందని అనుకున్నారు. కానీ ఆమె యాపిల్ నములుతూ ట్యాంకులో నుంచి లేచి చూడటం చూపరులను ఆశ్చర్యానికి గురి చేసింది. ప్రస్తుతం ఈ వీడియో సోషల్ మీడియాలో వైరల్ గా మారింది. దీనిపై నెటిజన్లు స్పందిస్తూ.. అదృష్టం అంటే ఆమెదేనని.. ఆ మహిళ అదృష్టానికి బ్రాండ్ అంబాసిడర్ లా ఉందని అంటున్నారు. మరికొందరు ప్రాణాల మీదికి వచ్చినా యాపిల్ తినడం ఆపట్లేదని, రోజుకో యాపిల్ డాక్టర్ ని దూరంగా ఉంచుతుంది అంటే ఇదేనేమోనని ఫన్నీ కామెంట్లు పెడుతున్నారు.
Kuch bhi ho khana rukna nahi chahiye..! pic.twitter.com/4220xFA0sJ
— Pooja_1010 (@Dabbu_1010) October 13, 2024
