సోషల్ మీడియా పిచ్చి పీక్స్‌కు వెళ్లిందనడానికి బెస్ట్ ఉదాహరణ ఇదే..!(వీడియో)
దిశ, ఫీచర్స్: సోషల్ మీడియాలో గుర్తింపు పొందడం కోసం ఇటీవల నెటిజన్లు చేసే వింత వింత పనులు తరచూ చూస్తూనే ఉన్నాం. పొద్దున లేచినప్పటి నుంచి రాత్రి పడుకునే వరకు జనాలు సామాజిక మాధ్యమాల్లోనే జీవించేస్తున్నారు. తమ గుర్తింపు, అస్తిత్వం అన్నీ అందులోనే వెతుక్కుంటున్నారు. కొంతమందైతే భయంకరమైన వీడియోలు చేస్తూ చావు అంచుల వరకు వెళ్తున్నారు. మరికొందరు మంచి కంటెంట్‌తో జనాల మనసులు గెలుచుకుంటున్నారు.
తాజాగా ఓ వ్యక్తి ఏకంగా నుదుటిపై టాటూ గా క్యూఆర్ కోడ్ వేయించుకుని సోషల్ మీడియాలోని జనాలందరినీ ఆశ్చర్యపరుస్తున్నాడు. ఓ టాటూ ఆర్టిస్టు దగ్గరికి వెళ్లి దీన్ని వేయించుకున్న విధానాన్ని మొత్తం వీడియో తీసి సోషల్ మీడియాలో పంచుకున్నాడు. నుదుటిపై టాటూ క్యూఆర్ కంప్లీట్ అయ్యాక నుదుటిపై ఉన్న టాటూను మొబైల్ ఫోన్‌ స్కానర్‌తో స్కాన్ చేస్తే అతడి ఇన్‌స్టాగ్రాం ఖాతా ఓపెన్ అయ్యింది. ఈ వీడియో కాస్త నెట్టింట వైరల్ అవ్వగా.. సోషల్ మీడియా పిచ్చి పీక్స్ కు వెళ్లిందనడానికి బెస్ట్ ఎగ్జామ్ ఫూల్ ఇదేనేమో, యుగాంతం సోషల్ మీడియా రూపంలో వచ్చింది, కానీ ఇదంతా ఫేక్, ఆ వ్యక్తి నుదుటి పైన ఉన్న క్యూఆర్ కోడ్ పని చేయడం అసాధ్యం అంటూ కామెంట్స్ పెడుతున్నారు.
