మున్సిపల్ కమిషనర్ల బదిలీ
దిశ, తెలంగాణ బ్యూరో: పలువురు మున్సిపల్ కమిషనర్లను బదిలీలు చేస్తూ ఎంఏయూడీ ఉత్తర్వులు జారీ చేసింది. జీహెచ్ఎంసీ డిప్యూటీ కమిషనర్లుగా ఎన్.శంకర్‌, వంశీకృష్ణ, సురేందర్‌రెడ్డి నియామకమయ్యారు. తాండూరు మున్సిపల్ కమిషనర్గా జి. శ్రీనివాస్‌రెడ్డి, నార్సింగి మున్సిపల్ కమిషనర్గా సత్యబాబు నియమితులయ్యారు. కరీంనగర్ అడిషనల్ కలెక్టర్ బి.శ్రీనివాస్ బోడుప్పల్ మున్సిపల్ కమిషనర్గా బదిలీ అయినట్లు ఉత్తర్వుల్లో పేర్కొన్నారు. నార్సింగి మున్సిపాలిటీ కమిషనర్గా సత్యబాబు నియామకం అయ్యారు. జహీరాబాద్ మున్సిపల్ కమిషనర్గా ఉన్న విక్రమ్ సింహా రెడ్డి కొల్లాపూర్ మున్సిపల్ కమిషనర్గా నియమితులయ్యారు. కొల్లాపూర్ గ్రేడ్ -3 కమిషనర్ వెంకటయ్యను దేవరకొండ మున్సిపాలిటీకి బదిలీ చేశారు. దేవరకొండ కమిషనర్ పూర్ణ చందర్ రావు భువనగిరి మున్సిపాలిటీకి బదిలీ కాగా జనగాం మున్సిపాలిటీ కమిషనర్ ఎన్.రవీందర్‌ను మహబూబ్‌బాద్‌కు బదిలీ చేశారు. కోదాడ మున్సిపాలిటీ శానిటేషన్ దండు శ్రీనివాస్‌ను తిరుమలగిరికి బదిలీ చేశారు.
జీహెచ్ఎంసీ పరిధిలో నలుగురు
మున్సిపల్ శాఖ పరిధిలోని కమిషనర్ల బదిలీల్లో భాగంగా జీహెచ్ఎంసీలోని నలుగురిని కూడా కొత్త స్థానాల్లోకి మార్చారు. జీహెచ్ఎంసీ డిప్యూటీ కమిషనర్ బి.రాధికను సీడీఎంఏ కార్యాలయానికి బదిలీ చేశారు. అసిస్టెంట్ మున్సిపల్ కమిషనర్లు (ఎఎంసీ) సుభాష్ రెడ్డిని జహీరాబాద్‌కు, ఎస్. అశ్రిత్ కుమార్‌ను నర్సాపూర్, రాజేంద్ర కుమార్‌ను చేర్యాల మున్సిపాలిటీలకు బదిలీ చేశారు. బోడుప్పల్ కమిషనర్ ఎన్.శంకర్‌ను, బి.వంశీకృష్ణను డిప్యూటీ కమిషనర్లుగా నియామకం చేస్తూ ఉత్తర్వులిచ్చారు.
