రికార్డు ధర పలుకుతున్న మిర్చి

దిశ, మహబూబాబాద్: మహబూబాబాద్ జిల్లా లోని కే.సముద్రం వ్యవసాయ మార్కెట్ లో మిర్చి క్వింటాలకు గరిష్ట ధర 16 వేలు పలికి రికార్డు సృష్టించింది. గురువారం మార్కెట్ కు సుమారు 1200 వందల బస్తాల మిర్చి విక్రయానికి వచ్చింది. మిర్చి సీజన్ ప్రారంభం నుండి ధర క్వి. 1200 నుండి గరిష్ట ధర15,300 మాత్రమే పలికింది. నెల్లికుదుర్ మండలం ఎర్రబెల్లి గూడెం కు చెందిన బి.రాము అనే రైతు మిర్చిని శ్రీ రంగనాథ ట్రేడర్స్ ప్రోప్రెటర్ సట్ల శ్రీనివాస్ క్వి.16,000 వేలకు ఖరీదు చేసి రికార్డు సృష్టించాడు. కాగా మిర్చి ధర రోజురోజు కు పెరుగుతుండడం తో రైతులు ఆనందం వ్యక్తం చేస్తున్నారు.