ఆబ్కారీ శాఖలో పదోన్నతుల పట్ల టీజీఓ హర్షం
దిశ ప్రతినిధి, హైదరాబాద్ : ఆబ్కారీ శాఖ లో అధికారులకు పదోన్నతులు కల్పించడం పట్ల టీజీఓ హర్షం వ్యక్తం చేసింది. ఈ మేరకు టీజీఓ హైదరాబాద్ జిల్లా అధ్యక్షుడు ఎంబీ కృష్ణాయాదవ్, డాక్టర్ హరికృష్ణ తదితరులు శనివారం నాంపల్లిలోని కార్యాలయంలో నూతనంగా పదోన్నతులు పొందిన ఎక్సైజ్ శాఖ అధికారులు డేవిడ్ రవికాంత్, ఏ.ఏ.చంద్రయ్య, ఏ.సత్యనారాయణ, టీ.రవీందర్ రావు, డి.అరుణ్ కుమార్ లను ఘనంగా సన్మానించారు. ఈ సందర్భంగా వారు మాట్లాడుతూ.. తెలంగాణ ఉద్యమంలో ఉద్యోగులు పోషించిన పాత్ర మరువలేనిదన్నారు.
అర్హులైన అధికారులకు పదోన్నతులు ఇచ్చినందుకు ముఖ్యమంత్రి కేసీఆర్, టీజీవో వ్యవస్థాపక అధ్యక్షుడు, ఎక్సైజ్ శాఖ మంత్రి వీ.శ్రీనివాస్ గౌడ్ , టీజీఓ రాష్ట్ర అధ్యక్షురాలు వీ . మమత లకు జిల్లా శాఖ తరపున ఉద్యమ అభినందనలు తెలిపారు . తెలంగాణ ప్రజలకు మెరుగైన సేవలు అందించడానికి అధికారులు ఎల్లప్పుడు ముందుంటారని అన్నారు . ఈ కార్యక్రమంలో భాను, శ్రీ నేస్ కుమార్, సుజాత, చంద్రశేఖర్ ,హుస్సేన్ అలీ, అబ్దుల్ ఖాదర్, రవీందర్, డాక్టర్ సురేందర్, రాధాకృష్ణ,నర్సింగ్ రావు, తనుజ తదితరులు పాల్గొన్నారు.
