వరదలో కొట్టుకుపోయిన కారు.. బయటపడ్డ ముగ్గురి మృతదేహాలు
దిశ, వెబ్‌డెస్క్: ప్రస్తుతం దేశ మంతటా వర్షాకాలం స్టార్ట్ అయింది. వారం రోజుల నుండి భారీ వర్షాలతో పట్టణాలో, నగరాల్లో భారీ వరదలు ప్రవహిస్తున్నాయి. అయితే వరదల కారణంగా ఎంతో మంది ప్రజలు ప్రమాదాలకు గురవుతున్నారు. ఇలాంటి ఘటనే మహారాష్ట్రలోని నాగపూర్ లో విషాదం చోటుచేసుకుంది.
పోలీసుల వివరాల ప్రకారం.. మధ్య ప్రదేశ్ లోని ముల్తాయికి చెందిన ఓ కుటుంబం నాగ్‌పూర్‌కు పెళ్లికి వెళ్లి వస్తుండగా ప్రమాదం జరిగింది. నాగపూర్‌లో సావ్నర్ తహసీల్ కేత్వాద్ దగ్గర నందా నదివపై ఉన్న వంతెన దాటుతుండగా కారు కొట్టుకుపోయింది. కారు నుంచి బాధితులు రక్షించాలంటూ కేకలువేశారు. అక్కడ ఉన్న కొంతమంది వారిని కాపాడే ప్రయత్నం చేస్తుండగా వరద నీరు ముంచెత్తడంతో కారు కొట్టుకుపోయింది. వెంటనే పోలీసులకు సమాచారం అందించారు. అందులో 8 మంది ఉన్నారని, ఇద్దరు ప్రయాణికులు ఈదుకుంటూ వరద బారి నుంచి బయటపడగా.. ముగ్గురి మృతదేహాలను స్వాధీనం చేసుకున్నామని పోలీసులు తెలిపారు. మరో ముగ్గురు గల్లంతైనట్లు వెల్లడించారు. దీనికి సంబంధించిన ఓ వీడియో సోషల్ మీడియాలో హల్ చల్ చేస్తుంది.
#Maharashtra 3 died and about 3 trapped after a scorpio car washed away in Nanda river of Kelwad, Tahsil Saoner, District #Nagpur amid heavy flow of water induced by rains, confirms @SPNagpurrural@CMOMaharashtra@Dev_Fadnavis@Devendra_Office #MaharashtraRains pic.twitter.com/TvcaoMAYeR
— Praveen Mudholkar (@JournoMudholkar) July 12, 2022
