నీ ఊహా శక్తికి తిరుగులేదు.. రాజమౌళిపై శంకర్ ప్రశంసల వర్షం..

దిశ, సినిమా: టాలీవుడ్ స్టార్ డైరెక్టర్ ఎస్.ఎస్. రాజమౌళి 'బాహుబలి' సినిమాతో తెలుగు చిత్ర పరిశ్రమ స్థాయిని ప్రపంచానికి పరిచయం చేశాడు. పాన్ ఇండియా లెవల్లో తెరకెక్కించిన ఈ మూవీ ఊహించని రీతిలో రికార్డ్స్ కొల్లగొట్టగా.. తాజాగా అదే రేంజ్ మూవీ 'ఆర్ఆర్ఆర్'ను ప్రేక్షకులకు అందించాడు రాజమౌళి. మార్చి 25న విడుదలైన 'ఆర్ఆర్ఆర్‌'కు అద్భుతమైన రెస్పాన్స్ వస్తుండగా.. మొదటి రోజే తెలుగు రాష్ట్రాల్లో రూ. 100 కోట్లకు పైగా వసూళ్లు సాధించించినట్లు తెలుస్తోంది.

ఈ మేరకు అభిమానులతోపాటు సెలబ్రెటీలు సైతం ఆర్ఆర్ఆర్ సినిమా, డైరెక్టర్ రాజమౌళి‌పై ప్రశంసల వర్షం కురిపిస్తున్నారు. ఈ క్రమంలోనే పాన్ ఇండియా డైరెక్టర్ శంకర్ రాజమౌళిని పొగడ్తలతో ముంచేత్తాడు. 'ఆర్ఆర్ఆర్ కన్నుల పండగలా ఉంది. ఒక్క సెకన్ చూపు తిప్పుకోనీయలేదు. సినిమా చూస్తున్నంతసేపు అసాధారణ అనుభూతికి లోనయ్యాను. అద్భుతమైన నటన, స్క్రీన్ ప్రెజన్స్‌తో చరణ్ మెప్పించగా.. తారక్ మనసులను కదిలించేశాడు. రాజమౌళి ఊహా శక్తికి తిరుగులేదు. మహారాజా మౌళికి హ్యాట్సప్. ఆర్ఆర్ఆర్ టీంకు ధన్యవాదాలు' అంటూ అందరినీ ఆకాశానికెత్తేశాడు.