Shahid kapoor: స్టార్ హీరోతో ఉండలేనంటూ షాకిచ్చిన వైఫ్..
దిశ, సినిమా: షాహిద్ కపూర్ హీరోగా, అభిషేక్ చౌబే దర్శకత్వంలో తెరకెక్కిన సినిమా 'ఉడ్తా పంజాబ్'. ఇందులో షాహిద్ డ్రగ్స్‌కు బానిసైన రాక్‌స్టార్ పాత్రలో కనిపించిన సంగతి తెలిసిందే. అయితే ఈ చిత్రంలో తాను పోషించిన క్యారెక్టర్ రియల్ లైఫ్‌లో ఎలా ఇబ్బంది పెట్టిందో రీసెంట్ ఇంటర్వ్యూలో వెల్లడించాడు. 'మీరాతో పెళ్లయిన కొత్తలో 'ఉడ్తా పంజాబ్' ప్రివ్యూకు తనను తీసుకెళ్లాను. ఎడిటింగ్ రూమ్‌లోనే సినిమా చూశాం. ఫస్ట్ ఆఫ్ కంప్లీట్ అయ్యాక.. మీరా నన్ను చూసి నిజంగానే డ్రగ్స్‌కు అడిక్ట్ అయ్యారా? నేను మీతో కలిసి ఉండలేనని షాక్ ఇచ్చింది. అయితే అది మూవీలో క్యారెక్టర్ మాత్రమేనని, నిజ జీవితంలో తనకు డ్రగ్స్ అలవాటు లేదని ఆమెకు అర్థమయ్యేలా వివరించాను' అని తెలిపాడు. కాగా 2016లో రిలీజైన ఈ సినిమాలో ఆలియా భట్, కరీనా కపూర్, దిల్జిత్ దోసాంజే తదితరులు నటించగా.. షాహిద్ తేజిందర్ 'టామీ సింగ్' పాత్రలో కనిపించాడు.
