ప్రభుత్వ ఆసుపత్రులకు డీహెచ్ కీలక ఆదేశం..
దిశ, తెలంగాణ బ్యూరో: వడదెబ్బ బాధితులకు వేగంగా వైద్యం అందించేందుకు అన్ని జిల్లాల్లో ర్యాపిడ్టీమ్‌లను ఏర్పాటు చేయాలని వైద్యశాఖ నిర్ణయం తీసుకున్నది. ఈ మేరకు హెల్త్ డైరెక్టర్శ్రీనివాసరావు అన్ని జిల్లాల వైద్యాధికారులకు ఆదేశాలిచ్చారు. ప్రాథమిక ఆరోగ్య కేంద్రం నుంచి టీచింగ్, జిల్లా ఆసుపత్రుల వరకు ప్రత్యేక కేంద్రాలు ఏర్పాటు చేయాలన్నారు. ప్రతీ కేంద్రంలో తప్పనిసరిగా ఓఆర్‌ఎస్, ఐవీ ప్లూయిడ్స్‌ను స్టాక్పెట్టుకోవాలన్నారు.
దీంతో పాటు వడదెబ్బపై అవగాహన క్యాంపులు ఏర్పాటు చేయాలని, సోషల్ మీడియాలో విస్తృతంగా ప్రచారం చేయాలని సూచించారు. మార్కెట్లు, షాపింగ్ మాల్స్, బస్, రైల్వేస్టేషన్లలో అవగాహన కార్యక్రమాలు ఏర్పాటు చేయాలన్నారు. దీంతో పాటు వడదెబ్బ కేసులపై ప్రతి రోజూ మధ్యాహ్నం 2 గంటలకల్లా కోఠిలోని ఆరోగ్యశాఖ కార్యాలయానికి సమాచారం ఇవ్వాలన్నారు. గర్భిణులు, పిల్లలు, వృద్దులు త్వరగా ఎండదెబ్బకు గురయ్యే ప్రమాదం ఉన్నదని, ఆ కేటగిరీపై ప్రత్యేక దృష్టి పెట్టాల్సిన అవసరం ఉన్నదన్నారు. ఎండదెబ్బ తగిలినప్పుడు చేయాల్సిన కార్యక్రమాలు, అందించాల్సిన చికిత్సపై వైద్యారోగ్యశాఖ సిబ్బందికి ఎప్పటికప్పుడు ట్రైనింగ్ ఇవ్వాలలన్నారు. గ్రామ స్థాయిలోని వివిధ ప్రభుత్వ విభాగాల ఉద్యోగులతో సమన్వయమై ప్రజలను రక్షించే చర్యలు చేపట్టాలన్నారు.
