అలాంటి హీరోతో పని చేయడం నా అదృష్టమే : యంగ్‌బ్యూటీ
దిశ, సినిమా : యంగ్ బ్యూటీ రజిసా విజయన్‌.. టాలీవుడ్ హీరోపై ప్రశంసలు కురిపించింది. 'రామారావు ఆన్ డ్యూటీ' చిత్రంలో రవితేజ సరసన నటించిన ఆమె.. ఇందులో మాళిని అనే పాత్రలో కనిపింబోతున్నట్లు చెప్పింది. 'చిన్నప్పటి నుంచి మాస్ మహారాజ సినిమాలు హిందీ డబ్బింగ్‌లో చూసేదాన్నని, నార్త్‌లో ఆయనకు భారీ ఫాలోయింగ్ ఉందని తెలిపింది. అలాంటి హీరోతో పని చేయడం గొప్ప అనుభవమన్న రజిసా.. రవితేజను గ్రేట్ మాస్ హీరో, సూపర్ స్టార్‌గా పేర్కొంది.
'ఆయన సెట్‌లోకి వస్తే ఒక మెరుపు వచ్చినట్లుగా ఉంటుంది. అందరికీ ఎక్కడలేని ఎనర్జీ వస్తుంది. నటీనటులతో పాటు సినిమాకోసం పనిచేసే అందరినీ రవితేజ సమానంగా చూడటం బాగా నచ్చింది' అంటూ తన అభిప్రాయాన్ని వెల్లడించింది. ఇక ఇంతకాలం బలమైన కథ, పాత్ర కోసం ఎదరుచూశానన్న రజిసా.. మాళిని క్యారెక్టర్‌ చేసే చాన్స్ దక్కడం పట్ల ఆనందం వ్యక్తంచేసింది.
Advertisement
Next Story
