Rahul Gandhi: రాహుల్ గాంధీనే నెక్ట్స్ పీఎం

బెంగళూరు: Rahul Gandhi will become next PM, says Swamiji at Karnataka Haveri Mutt| కాంగ్రెస్ పార్టీ అధినేత రాహుల్ గాంధీ నెక్ట్స్ పీఎం అవుతారని హవేరి హోసముత్ స్వామిజీ తెలిపారు. బుధవారం కర్ణాటక చిత్రదుర్గలోని శ్రీ మురుగ రాజేంద్ర మఠంలో నిర్వహిస్తున్న లింగాయత్ సమావేశానికి రాహుల్ గాంధీ హాజరయ్యారు. రాహుల్ గాంధీ తర్వాతి ప్రధానమంత్రి అవుతారని, ఈ మఠాన్ని ఎవరూ సందర్శిస్తారో వారు ధన్యులు అవుతారని హోసముత్ స్వామిజీ అన్నారు. అయితే వచ్చే ఏడాది మేలో ఎన్నికలు జరగనున్న నేపథ్యంలో కాంగ్రెస్ పార్టీ తన జోరును పెంచింది. ఇటీవల కర్ణాటకలో కాంగ్రెస్ పార్టీ నాయకుల మధ్య విభేదాలు వస్తున్నాయి. ఈ సమస్యను పరిష్కరించడానికి కాంగ్రెస్ నేతలతో రాహుల్ గాంధీ మంగళవారం సమావేశమయ్యారు. పార్టీ నేతలు కలిసికట్టుగా పని చేయాలని, విభేదాలకు తావు ఇవ్వొద్దని ఆయన కోరారు. కాంగ్రెస్ పార్టీ అధికారంలోకి వస్తే శాసనసభ పక్ష నేత సిద్ధరామయ్య, రాష్ట్ర శాఖ చీఫ్ డీకే శివకుమార్ ఇద్దరూ సీఎం పదవి కోసం పోటీ పడనున్నట్లు సమాచారం. కాగా, కర్ణాటక జనాభాలో దాదాపు 17 శాతం లింగాయత్‌లు ఉన్నారు. వీరు సంప్రదాయ బీజేపీ ఓటర్లుగా కొనసాగుతున్నారు. ఈ ఓట్లను కూడా తమ వైపు తిప్పుకోవడానికి కాంగ్రెస్ ప్రయత్నిస్తోంది.

ఇది కూడా చదవండి:

మంకీపాక్స్‌పై కేంద్రం మార్గదర్శకాలు జారీ