సెన్సార్ పూర్తి చేసుకున్న 'రాధే శ్యామ్'.. రికార్డులు బద్దలు కొడుతుందంటున్న విశ్లేషకులు
దిశ, సినిమా: పాన్ ఇండియా స్టార్ ప్రభాస్ పూజా హెగ్డే కాంబోలో వస్తున్న లవ్ అండ్ థ్రిల్లర్ మూవీ 'రాధేశ్యామ్'. రాధాకృష్ణ కుమార్ దర్శకత్వం వహించిన ఈ సినిమా కోసం ప్రభాస్ ఫ్యాన్స్‌ వేయి కళ్లతో ఎదురుచూస్తున్నారు. కరోనా వైరస్ కారణంగా పలుమార్లు వాయిదా పడుతూ వచ్చిన ఈ సినిమా మార్చి 11న విడుదలకు సిద్ధంగా ఉంది. అయితే ఇప్పటికే రిలీజైన టీజర్, ట్రైలర్‌, సాంగ్స్, మేకింగ్ వీడియోలు రాధేశ్యామ్ సినిమాపై భారీ హైప్‌ క్రియేట్‌ చేయగా.. తాజాగా ఈ మూవీ సెన్సార్ కార్యాక్రమాలను కూడా పూర్తి చేసుకుంది. ఈ సందర్భంగా ఓవర్సీస్‌ సెన్సార్ బోర్డ్‌ మెంబర్‌, సినీ విశ్లేషకుడు ఉమైర్ సంధు ఈ చిత్రం ఎలా ఉందో చెబుతూ వరుస ట్వీట్లు చేసింది.
ఇండియాలో ప్రభాస్‌‌ను బీట్‌ చేసేవాళ్లే లేరన్న సంధూ క్లైమాక్స్ మాత్రం అదిరిపోయిందంటున్నారు. 'రాధేశ్యామ్ సినిమా సెన్సార్ ఈ రోజే పూర్తయింది. విజువల్‌ ఎఫెక్ట్స్‌ చాలా బాగున్నాయి. ప్రభాస్, పూజాల కెమిస్ట్రీ అమేజింగ్. క్లైమాక్స్‌ను ఎవరూ ఊహించలేరు. ఒక్క మాటలో చెప్పాలంటే రాధేశ్యామ్.. క్లాసిక్‌, స్టైలిష్‌, థ్రిల్లింగ్‌, మిస్టరీ అండ్ రొమాంటిక్‌ సినిమా అని చెప్పాలి. ప్రభాస్ మరోసారి రికార్డులు క్రియేట్‌ చేయడం ఖాయమనిపిస్తోంది' అంటూ సినిమాపై భారీ అంచనాలను పెంచేసింది. ఇక ఈ సినిమాను యూవీ క్రియేషన్స్, టీ సిరీస్ బ్యానర్లు రూ.300 కోట్ల భారీ బడ్డెట్‌తో సంయుక్తంగా నిర్మించగా.. అడ్వాన్స్‌ బుకింగ్స్‌ మొదలవగానే టికెట్లు హాట్ కేకుల్లా అమ్ముడయ్యాయి. ఇందులో భాగ్యశ్రీ, కృష్ణం రాజు, జగపతి బాబు, మురళీ శర్మ, సచిన్ ఖేడేకర్, ప్రియదర్శి, కునాల్ రాయ్ కపూర్, సత్యన్ ముఖ్య పాత్రలు పోషించారు.
#RadheShyam is truly Cinematic Experience! Climax is the USP of film 🍿❤️🔥
— Umair Sandhu (@UmairSandu) March 5, 2022
