విదేశాల్లో ప్రభాస్ హోటల్ బిజినెస్.. సినిమాలు మానేస్తాడా?
దిశ, సినిమా : ముందు తరం హీరోలు తాము సంపాదించిన మొత్తాన్ని తెలివిగా రియల్‌ ఎస్టేట్‌లో పెట్టుబడులు పెట్టి భారీ లాభాలు గడించారు. ఇక ఈ తరం సీనియర్ హీరోల్లో చాలామంది హోటల్ బిజినెస్‌లో ఇన్వెస్ట్ చేసిన సంగతి తెలిసిందే. ప్రస్తుతం వీరి సరసన బాహుబలి స్టార్ ప్రభాస్ కూడా చేరుతున్నట్లు వార్తలు వినిపిస్తున్నాయి. ప్రభాస్ హోటల్ బిజినెస్‌లోకి ఎంటర్ అవుతున్నట్లు ఫిల్మ్ నగర్‌లో టాక్ నడుస్తోంది.
తన స్నేహితుల ద్వారా దుబాయ్, స్పెయిన్‌‌లో ఏర్పాటవనున్న ఒక పెద్ద హోటల్ ప్రాజెక్ట్‌లో పార్ట్‌నర్ అవుతున్నాడని సమాచారం. ఇదిలా ఉంటే.. ఒక్కో సినిమాకు రూ. 100 కోట్ల వరకు వసూలు చేస్తున్న ఈ యంగ్ రెబల్ స్టార్‌కు దాదాపు అరడజను సినిమాలు లైన్‌లో ఉన్నాయి. దీన్ని బట్టి చూస్తే ఈ అప్‌డేట్ నిజమే అనిపిస్తోంది. అయితే ఈ ఫారిన్ ప్రాజెక్టులో పెట్టుబడులతో ఎన్ని లాభాలు పొందుతాడో తెలియాలంటే వేచి చూడాల్సిందే.
