Prabhas: పాన్ ఇండియా ప్రభాస్‌కు ఇష్టమైన హీరోయిన్ ఎవరో తెలుసా.. అస్సలు ఊహించి ఉండరుగా..!
దిశ, సినిమా: పాన్ ఇండియా స్టార్ ప్రభాస్(Prabhas) గురించి ప్రత్యేకంగా చెప్పాల్సిన పనిలేదు. ప్రస్తుతం వరుస సినిమాలతో బిజీ బిజీగా ఉన్నాడు. ఇటీవలే ‘కల్కి 2898 ఏడీ’(Kalki 2898 AD) మూవీతో భారీ హిట్ తన ఖాతాలో వేసుకున్న డార్లింగ్.. ఇప్పుడు ఇతని చేతిలో 6 సినిమాలకు పైగా చిత్రాల్లో నటిస్తున్నాడు. ఇక వీటి కోసం ఫ్యాన్స్ ఎంతో ఈగర్‌గా వెయిట్ చేస్తున్నారు. ఈ క్రమంలో ప్రభాస్ నటిస్తున్న రాజా సాబ్(Raja Saab) నుంచి వరుస అప్డేట్స్ రానున్నట్లు సమాచారం. అలాగే డిసెంబర్ చివరి వారంలో సందీప్ రెడ్డి వంగా(Sandeep Reddy Vanga) దర్శకత్వంలో రాబోతున్న మూవీ ‘స్పిరిట్’(Spirit) కూడా పట్టాలెక్కనుంది.
ఇదిలా ఉంటే.. సాధారణంగా డార్లింగ్ పక్కన చాలామంది హీరోయిన్లు నటించాలని కలలు కంటుంటారు. చాన్స్ వస్తే మిస్ చేసుకోవద్దని అనుకుంటారు. అలాంటి డార్లింగ్‌కు ఓ హీరోయిన్ యాక్టింగ్ అంటే చాలా ఇష్టమట. ఆమెతో ఓ సినిమా చేయాలని ఉందని తన మనసులోని మాటను బయట పెట్టారు. గతంలో తన ప్రమోషన్లలో భాగంగా ఓ ఇంటర్వ్యూలో పాల్గొన్న ప్రభాస్‌ను యాంకర్.. మీరు ఏ హీరోయిన్‌తో పని చేయాలని అనుకుంటున్నారు అని అడగ్గా.. సాయి పల్లవి(Sai Pallavi) యాక్టింగ్ అంటే తనకు చాలా ఇష్టమని.. ఆమెతో చేయాలని ఉందని అన్నారు. అలాగే సాయి పల్లవి డ్యాన్స్, స్టైల్ నచ్చుతుందని.. కానీ ఆమెతో అంటే హైట్ మ్యాచ్ అవుతుందో లేదో అని డౌట్ అంటూ ప్రభాస్ చెప్పుకొచ్చారు.
అయితే ప్రభాస్‌కు సాయి పల్లవి యాక్టింగ్ అంటే ఇష్టమని తెలియడంతో ఇద్దరి కాంబోలో వస్తే బాగుంటుందని ఫ్యాన్స్ కామెంట్స్ చేస్తున్నారు. గతంలో ప్రభాస్ మాట్లాడిన మాటలు ఇప్పుడు వైరల్ అవుతున్నాయి. ఇక సాయిపల్లవి విషయానికి వస్తే.. నాగచైతన్య(Naga Chaitanya) సరసన ‘తండేల్’(Tandel) మూవీతో పాటు ‘రామాయణ’(Ramayana) సినిమాలో కూడా నటిస్తోంది.
