Thandel :ఆ స్పెషల్ రోజున నాగ చైతన్య 'తండేల్' మూవీ రిలీజ్.. ఆ రోజే ఎందుకంటే?
దిశ, వెబ్ డెస్క్ : అక్కినేని నాగ చైతన్య ( Naga Chaitanya) హీరోగా తెరకెక్కుతున్న సినిమా ‘తండేల్' ( Thandel ). ఈ మూవీకి చందు మొండేటి దర్శకత్వం వహిస్తున్నారు. శ్రీకాకుళంలో జరిగిన ఓ వాస్తవ సంఘటన ఆధారంగా రూపొందుతోంది. ఈ మూవీలో చైతూ సరసన సాయి పల్లవి (Sai Pallavi) కథానాయికగా నటిస్తోంది.
ఈ సినిమాని మొదట సంక్రాంతికి విడుదల చేయాలనీ భావించారు కానీ, రామ్ చరణ్ గేమ్ ఛేంజర్, వెంకటేష్ 'సంక్రాంతికి వస్తున్నాం' మూవీస్ ఉండటంతో ఈ సినిమా రావడం కష్టమని డైరెక్టర్ చందూ మొండేటి చెప్పారు. ఇవన్నీ దృష్టిలో పెట్టుకుని మేకర్స్ ఈ మూవీ రిలీజ్ డేట్ ను ఫైనల్ చేశారని సమాచారం.
తెలిసిన సమాచారం ప్రకారం, ఈ మూవీని 2025 ఫిబ్రవరి 14 వాలెంటైన్స్ డే రోజున సినిమా విడుదల చేయనున్నారట. ఫిబ్రవరి 14 లవర్స్ డే కావడంతో, ‘తండేల్ సినిమాలో దేశభక్తితో పాటూ లవ్ స్టోరీ ఉండటంతో ఆ రోజు రిలీజ్ చేస్తే ప్రేక్షకులకు కనెక్ట్ అవుతుందని మూవీ మేకర్స్ ఈ నిర్ణయం తీసుకున్నట్లు తెలుస్తుంది. త్వరలోనే దీనిపై అధికారిక ప్రకటన రానుంది.
Read more ...
