Nag Ashwin: అలియాతో ‘కల్కి’ బ్లాక్ బస్టర్ డైరెక్టర్ లేడీ ఓరియంటెడ్ చిత్రం.. క్లారిటీ..?
దిశ, వెబ్‌డెస్క్: ప్రముఖ దర్శకుడు నాగ్ అశ్విన్(Nag Ashwin) కల్కి సినిమాతో మరింత ఫేమ్ దక్కించుకున్నాడు. ప్రభాస్(Prabhas) హీరోగా ప్రేక్షకుల ముందుకు వచ్చిన ఈ చిత్రం బ్లాక్ బస్టర్ హిట్ గా నిలిచి... బాక్సాఫీసు వద్ద భారీ వసూళ్లు కొల్లగొట్టింది. దీంతో నాగ్ అశ్విన్‌పై సినీ ప్రేక్షకుల్లో ఓ ఆసక్తి నెలకొంది. నెక్ట్స్ ఏ మూవీ తీయబోతున్నాడంటూ ఆత్రుతగా ఎదురుచూస్తున్నాడు. అయితే గత కొద్ది రోజుల నుంచి ఈ డైరెక్టర్ అండ్ బాలీవుడ్ బ్యూటీ అలియా భట్(Alia Bhatt) కలయికలో ఓ మూవీ రాబోతుందంటూ సోషల్ మీడియాలో వార్తలు గుప్పుమంటున్నాయి. లేడీ ఓరియంటెడ్ చిత్రం కోసం ఇప్పటికే నాగ్ అశ్విన్.. ఈ హీరోయిన్‌తో ప్రాజెక్ట్ గురించి చర్చలు కూడా జరిపినట్లు జనాలు చర్చించుకుంటున్నారు.
అయితే తాజాగా నాగ్ అశ్విన్ ఓ మీడియాతో మాట్లాడుతుండగా.. ఈ వార్తలపై కూడా సినీ ప్రియులకు క్లారిటీ ఇచ్చాడు. అలియాతో సినిమా షూటింగ్ ఎప్పుడు ప్రారంభించనున్నారని ప్రశ్నించగా.. ఆ వార్తలన్నీ అవాస్తవమనీ దర్శకుడు స్పష్టం చేశాడు. నెక్ట్స్ కల్కి 2 (Kalki2) పైనే తన ఫోకస్ మొత్తం అని అన్నాడు. ప్రస్తుతం ఈ చిత్ర పనుల్లోనే బిజీ బిజీగా గడుపుతున్నామని వెల్లడించాడు. ప్రస్తుతం నాగ్ అశ్విన్ మీడియాతో మాట్లాడగా.. నెటిజన్లకు ఫుల్ క్లారిటీ వచ్చింది. రూమర్లకు తెరపడింది. ఇక గతంలో నాగ్ అశ్విన్ దర్శకత్వంలో మహానటి(Mahanati) మూవీ తెరకెక్కి మంచి టాక్ సొంతం చేసుకున్న విషయం తెలిసిందే. కాగా ఇప్పుడు అలియాతో సినిమా చేస్తున్నారన్న సినీ ప్రేక్షకుల ఊహాగానాలకు చెక్ పడింది.
