అర్ధ మేరుదండాసనం ఎలా చేయాలి ప్రయోజనాలేంటి?

దిశ, ఫీచర్స్: ఈ ఆసనంలో మొదటగా బల్లపరుపు నేలమీద మ్యాట్‌పై వెళ్లకిలా పడుకోవాలి. తర్వాత ఇరవై శ్వాసలు తీస్తూ బాడీని రిలాక్స్ చేయాలి. ఇప్పుడు శరీరానికి ఇరువైపుల పెట్టిన అరచేతులను నేలపై బలంగా ఆన్చాలి. కుడికాలును దాదాపు మూడు ఫీట్ల వరకు పైకి లేపాలి. ఈ భంగిమలో కాలును గాల్లోనే ఉంచి పొట్ట నిండా శ్వాస పీల్చుకుని వదలాలి. ఇప్పుడు కాలును నేలపై ఆన్చాలి. ఎడమకాలు మడిమ నేలపై నుంచి ఎటూ కదలకుండా చూసుకోవాలి. తల నిటారుగా ఉంచి ఆకాశంవైపు చూస్తుండాలి. తర్వాత ఎడమ కాలుతో చేయాలి.

ప్రయోజనాలేంటి?

* ఉదర అవయవాలు, జీర్ణక్రియను మెరుగుపరుస్తుంది.

* కోర్ కండరాలు, వీపును బలపరుస్తుంది.

* ఒత్తిడి తగ్గించి, ఏకాగ్రతను మెరుగుపరుస్తుంది.

* వెన్నెముకను సాగదీస్తుంది.