Pelican Signals: హైదరాబాద్‌లో 68 పెలికాన్ సిగ్నల్స్.. అబ్బురపరుస్తున్న నయా టెక్నాలజీ

దిశ, డైనమిక్ బ్యూరో: GHMC Sets up 68 Pelican Traffic Signals in Hyderabad| నగరంలో రోజురోజుకి ట్రాఫిక్ విపరీతంగా పెరిగిపోతోంది. రోడ్డు క్రాస్ చేయడానికి ప్రజలు తీవ్ర ఇబ్బందులు పడుతున్నారు. ఈ నేపథ్యంలో హైదరాబాద్ మున్సిపల్ కార్పొరేషన్ (జీహెచ్ఎంసీ) స్కూళ్లు, కాలేజీలు, హాస్పిటల్స్ వద్ద ఉండే ప్రధాన కూడళ్లలో 68 అడ్వాన్స్‌డ్ టెక్నాలజీతో కూడిన పెలికాన్ ట్రాఫిక్ సిగ్నల్స్‌ను ఏర్పాటు చేసింది. విదేశీ నగరాల తరహాలో ఈ సిగ్నల్స్‌ను ఏర్పాటు చేసినట్లు తెలిపారు. పెలికాన్ సిగ్నల్స్ మాన్యువల్‌గా కంట్రోల్ చేస్తాయి. ఇవి బటన్‌ను నొక్కినప్పుడు రోడ్డు దాటేవారికి 15 సెకన్ల విండో ఓపెన్ చేస్తాయి. ఈ క్రమంలో రెడ్ సిగ్నల్ పడి రోడ్డు దాటేవారికి సురక్షితంగా ఉంటుంది. నగరంలో ఈ 68 సిగ్నల్స్‌తో పాటు మరో 26 పెలికాన్‌ సిగ్నల్స్‌ను పోలీసు శాఖ నుంచి ప్రతిపాదనలు వచ్చిన వెంటనే ఏర్పాటు చేసేందుకు పౌరసరఫరాల శాఖ యోచిస్తోంది.