రాబోయే ఎన్నికల్లో గెలుపే లక్ష్యంగా పని చేయాలి

దిశ, చౌటుప్పల్: రాబోయే ఎన్నికల్లో తెలంగాణలో బీజేపీ గెలుపే లక్ష్యంగా ప్రతి ఒక్కరూ పనిచేయాలని బీజేపీ రాష్ట్ర ఉపాధ్యక్షుడు గంగిడి మనోహర్ రెడ్డి విజ్ఞప్తి చేశారు. సోమవారం యాదాద్రి భువనగిరి జిల్లా చౌటుప్పల్ మున్సిపల్ కేంద్రంలో బీజేపీ పట్టణ, మండల శాఖ ఆధ్వర్యంలో సమీక్షా సమావేశాన్ని నిర్వహించారు. ఈ సమావేశానికి ముఖ్యఅతిథిగా హాజరైన గంగిడి మనోహర్ రెడ్డి మాట్లాడుతూ.. బూత్ స్థాయి కార్యకర్తలు, అధ్యక్షులు, శక్తి కేంద్రాల ఇన్‌చార్జిల సమన్వయంతో పనిచేసి పార్టీ బలోపేతానికి కృషి చేయాలని అన్నారు. తెలంగాణలో టీఆర్ఎస్‌కు ప్రత్యామ్నాయంగా బీజేపీని ప్రజలు ఆదరిస్తున్నారని ఆయన తెలిపారు. ఈ సమావేశంలో దూడల భిక్షంగౌడ్, బీజేపీ జిల్లా ఉపాధ్యక్షులు రమణగోని శంకర్, మండల అధ్యక్షుడు రిక్కల సుధాకర్ రెడ్డి, నాయకులు గుజ్జుల సురేందర్ రెడ్డి, పాలకుర్ల జంగయ్య, కాయితీ రమేష్ గౌడ్, బాతరాజు సత్యం, తిరుపతిరెడ్డి, కౌన్సిలర్లు శ్రీధర్ బాబు, బండమీది మల్లేశం, నాగరాజు, ప్రధాన కార్యదర్శి కడవేరు పాండు, రాధారపు సత్తయ్య తదితరులు పాల్గొన్నారు.