నడి రోడ్డుపై ఫుల్ జోష్.. లారీ సౌండే మ్యూజిక్‌గా నాగిని డ్యాన్స్... (వీడియో)

దిశ,వెబ్‌డెస్క్: డ్యాన్స్‌పై మక్కువ ఉన్నవారు ప్రతి ఒక్కరూ ఏదో ఒక సందర్భంగా కాలు కదుపుతూనే ఉంటారు. పెళ్ళి బరత్, డీజే సౌండ్స్‌కు వారికి నచ్చిన పాటకు స్టెప్‌లతో అదరగొడుతుంటారు. ఇలాంటి వీడియోలు వైరల్ కావడం చూస్తూనే ఉంటాం. కానీ లారీ హారన్‌ సౌండ్‌కు కూడా డ్యాన్స్ చేయడం మీరు చూశారా.. అదీ నడిరోడ్డుపై.. ఇదిగో ఈ వీడియోలో చూడండి.. యువకులు నడిరోడ్డుపై నాగిని డ్యాన్స్ చేస్తూ ఫుల్‌గా ఎంజాయ్ చేస్తున్నారు. ఆహ్లాదకరమైన వాతావరణంలో అప్పుడే చిరుజల్లు కురిసిన సమయంలో కొందరూ యువకులు బైక్ పై వెళ్తుండటం చూడవచ్చు. చుట్టూ కొండలు, చల్లని వాతావరణంలో అటునుంచి వస్తున్న లారీ చూసిన యువకులు నడిరోడ్డు పైకి వచ్చారు. లారీ డ్రైవర్ పదే పదే హారన్ కొడుతుండటంతో ఆ సౌండ్ కు యువకులు బైక్స్ పక్కకు పెట్టి నాగినీ డ్యాన్స్ చేశారు. కొందరూ విజిల్స్ వేస్తూ డ్యాన్స్ చేస్తున్న వారిని ప్రోత్సహిస్తున్నారు. మరికొందరు రోడ్డుపై పడుకుని దొర్లుకుంటూ డ్యాన్స్ చేస్తున్నట్లుగా ఈ వీడియోలో చూడవచ్చు. ఈ వీడియో చూసిన నెటిజన్లు సంతోషంగా ఉన్నమనేది కాదు.. ఎంత సంతోషంగా ఉన్నం అనేది ముఖ్యం అంటున్నారు. అంతే కాదు దొరికి సమయాన్ని ఎంజాయ్ చేయాలని మరికొందరు కామెంట్లు చేస్తున్నారు.ఈ వీడియో కర్ణాటకలో చేసినట్లు తెలుస్తోంది.