బీఈడీ, డీఈడీ ఫైనలియర్ విద్యార్థులకు.. 'టెట్'కు ఛాన్స్
దిశ, తెలంగాణ బ్యూరో: బీఈడీ, డీఈడీ ఫైనలియర్ చదువుతున్న విద్యార్థులకు కూడా టెట్రాసేందుకు అవకాశం కల్పిస్తున్నట్లు టెట్ఎక్స్అఫీషియో డైరెక్టర్రాధా రెడ్డి శుక్రవారం ఒక ప్రకటనలో స్పష్టం చేశారు. అయితే వారు ఈ ప్రవేశ పరీక్షలో క్వాలిఫై అయినా కోర్సు పూర్తి చేశాకే ఉద్యోగానికి అర్హత సాధించినట్లు అని పేర్కొన్నారు. ఇదిలా ఉండగా టెట్దరఖాస్తులను శనివారం నుంచి స్వీకరించనున్నారు. ఏప్రిల్ 12వ తేదీ వ‌ర‌కు దరఖాస్తులు తీసుకోనున్నారు. దరఖాస్తు రుసుముగా రూ.300 చెల్లించాల్సి ఉంది. 2017 టెట్ సిల‌బ‌స్ ప్రకార‌మే ఈ సారి ప‌రీక్షలు నిర్వహించనున్నారు.
హెల్ప్ డెస్క్ సేవ‌లు మార్చి 26 నుంచి జూన్ 12వ తేదీ వ‌ర‌కు అందుబాటులోకి రానున్నాయి. కాగా పరీక్షను జూన్12న నిర్వహించనున్నారు. ఉదయం ఒక పేపర్, మధ్యాహ్నం ఒక పేపర్చొప్పున రెండు పేపర్లు ఉంటాయి. ఒక్కో పేపర్ కు రెండున్నర గంటల సమయం ఉంటుంది. దరఖాస్తు చేసుకున్న అభ్యర్థులు జూన్ 6వ తేదీ నుంచి హాల్ టికెట్లు డౌన్లోడ్చేసుకోవాల్సి ఉంటుంది. జూన్ 12న పరీక్స ఉండగా అదేనెల 27వ తేదీన ఫ‌లితాలు విడుద‌ల చేయ‌నున్నారు. ఇతర వివరాలకు tstet.cgg.gov.in అనే వెబ్‌సైట్‌లో సంప్రదించాలని రాధారెడ్డి విజ్ఞప్తిచేశారు.
