విడుదలకు ముందే నవ్వులు పూయిస్తున్న 'ఎఫ్ 3'.. స్పెషల్ వీడియో షేర్ చేసిన మేకర్స్

దిశ, సినిమా: దర్శకుడు అనిల్ రావిపూడి, వెంకటేష్-వరుణ్ తేజ్ కాంబినేషన్‌లో వస్తున్న కామెడీ ఎంటర్‌టైనర్ 'ఎఫ్ 3'. 'ఎఫ్ 2'కు సీక్వెల్‌గా తెరకెక్కిస్తున్న ఈ సినిమాలో కామెడీ కింగ్ సునీల్ కూడా తోడవడంతో సినిమాపై అంచనాలు పెరిగిపోయాయి. అయితే ఈ మూవీ షూటింగ్ ఇటీవలే పూర్తవగా మే 27న విడుదల చేయనున్నారు. ఇదిలా ఉంటే.. రిలీజ్‌ డేట్ దగ్గరపడుతుండటంతో ప్రమోషన్స్ స్పీడ్ పెంచారు మేకర్స్.

ఈ క్రమంలోనే గతంలో సినిమా రిలీజ్ వాయిదా పడిందన్న విషయాన్ని నాగ రత్తమ్మ అనే క్యారెక్టర్‌తో ఓ వీడియో రిలీజ్ చేయగా.. తాజాగా మరో సారి అదే క్యారెక్టర్‌తో ఓ ఫన్నీ వీడియోను అభిమానులతో పంచుకున్నారు. 'ఎఫ్ 3' షూటింగ్ పూర్తయ్యే వరకూ నీడలా వెంటాడతానంటూ ఆమె చెప్పే డైలాగ్‌తో మొదలైన వీడియో.. పోస్ట్ ప్రొడక్షన్ పనుల్లో బిజీగా వున్న దర్శకుడు అనిల్ రావిపూడి దగ్గరికి వెళ్లి సినిమా గురించి కనుక్కోవడం. అలాగే సరదాగా మాట్లాడుకుంటున్న హీరోలు వెంకటేష్, వరుణ్ తేజ్ దగ్గరికి వెళ్లి వాళ్లకు బుట్ట మామిడి పండ్లు ఇస్తానని, ఆడవాళ్ల కోసం ఓ ఆసనం వేయాలని వేధిస్తోంది. చివరగా వెంకటేష్ కొడుక్కు పెళ్లి చేస్తానంటూ గోల చేసిన నాగ రత్తమ్మను తట్టుకోలేక వరుణ్, వెంకీ అక్కడి నుంచి పారిపోతారు. మొత్తంగా నవ్వులు పూయించిన ఈ వీడియో ప్రస్తుతం తెగ వైరల్ అవుతోంది.